OC has been suspended for beating up a food delivery boy:
ৰাইজৰ বাবে আৰক্ষী ৷ এই মন্তব্যৰে আৰক্ষীক মুখ্যমন্ত্ৰী ড:হিমন্ত বিশ্ব শৰ্মাই বাৰম্বাৰ পৰামৰ্শ দি আহিছে যদিও একাংশ উদণ্ড – অবাধ্য আৰক্ষীৰ উদ্ধতালিৰে ৰাইজক ক্ষুব্ধ কৰি তুলিছে। একাংশ আৰক্ষীয়ে এতিয়া ৰাজপথত গুণ্ডামি কৰাটো চিৰাচৰিত নিয়মত পৰিণত হৈছে ৷
আনহাতে এই কাৰ্য এগৰাকী সচেতন মহিলাই ৰেকৰ্ডিং কৰি ফেচবুকত ভাইৰেল কৰে। এই দৃশ্যাৱলীৰ পিছতে অসম আৰক্ষীৰ সঞ্চালক প্ৰধান জিপি সিঙে এক্স যোগে ৰাজপথত গুণ্ডামী কৰা পানবজাৰ আৰক্ষী থানাৰ অ’চি ভাৰ্গৱ বৰবৰাক তৎকালীনভাৱে নিলম্বন কৰাৰ লগতে তদন্তৰ ঘোষণা কৰে ৷
কিন্ত শুকুৰবাৰে কৰ্মৰত অৱস্থাতে জ্ঞানদীপ হাজৰিকাই সন্মুখীন হ’বলগীয়া হয় এক অবাঞ্চিত পৰিস্থিতিৰ ৷ ইতিমধ্যে কটনিয়ানৰ ওপৰত আৰক্ষীৰ বৰ্বৰতাৰ বিৰুদ্ধে গৰজি উঠে কটন বিশ্ববিদ্যালয়ৰ ছাত্ৰ একতা সভা ৷ শণিবাৰে শতাধিক কটনিয়ানে নিলম্বিত অ’চি জনৰ শাস্তিৰ দাবী পানবজাৰৰ থানা ঘেৰাও কৰি প্ৰতিবাদ সাব্যস্ত কৰে ৷ কটনিয়ানে আৰক্ষী প্ৰশাসনৰ সোমবাৰলৈ বান্ধি দিলে সময়সীমা ৷ সোমবাৰৰ ভিতৰত গুণ্ডাৰূপী আৰক্ষী বিষয়াজনে ৰাজহুৱাকৈ জ্ঞানদীপৰ ওচৰত ক্ষমা নুখুজিলে তীব্ৰ আন্দোলন গঢ়ি তোলা হ’ব ৷ অচল কৰি দিয়া হ’ব পানবজাৰ ৷
ইপিনে,আৰক্ষীৰ হাতত প্ৰহৃত জ্ঞানদীপৰ মাতৃ বেবী হাজৰিকাই পুত্ৰৰ ওপৰত বৰ্বৰতা দেখুওৱা কাৰ্যক দুখ প্ৰকাশ কৰে ৷তেওঁ কয়, ‘শুকুৰবাৰে নিশা ৮ঃ-৩০ বজাত জ্ঞানদীপৰ লগৰ বন্ধু এজনে মোক খবৰ দিছিল যে জ্ঞানদীপে ইয়াত পাৰ্ট টাইম কাম কৰে। তাক আজি পুলিচে মাৰিছে। আপুনি চিন্তা নকৰিব। আমি তাৰ স’তে আছোঁ।’
গৰাকীয়ে বেয়া কাম কৰিছে। আন কাৰো লগত এনে নহওক।’
