ভাৰতীয় পৰিয়ালত ঘিউ আৰু গাখীৰ হৈছে সততে ব্যৱহাৰ হোৱা খাদ্য সামগ্ৰী । ঘিউ খোৱাটো স্বাস্থ্যৰ বাবে যথেষ্ট উপকাৰী ৷ বিশেষকৈ শীতৰ মাহবোৰত ঘিউ খালে আপোনাৰ শৰীৰৰটো সুস্থ কৰি ৰখাৰ লগতে ভিন্ন ৰোগৰ পৰাও ৰক্ষা কৰে । সেয়েহে শীত কালত আপোনাৰ দৈনন্দিন খাদ্যৰ ৰুটিনত ঘিউ অন্তৰ্ভুক্ত কৰাটো অতিকৈ লাভজনক । লগতে ঘিউৱে আপোনাৰ খাদ্যৰ সোৱাদো বৃদ্ধি কৰে ।
ৰোগ প্ৰতিৰোধ ক্ষমতা বৃদ্ধি কৰে
শীতকালত প্ৰায় লোকৰে ছৰ্দী, ফ্লু আৰু অন্যান্য শ্বাসতন্ত্ৰৰ সমস্যাই দেখা দিয়ে । ঘিউৱে আমাৰ দেহত ৰোগ প্ৰতিৰোধ ক্ষমতা শক্তিশালী কৰে । কিয়নো ঘিউত চৰ্বি-দ্ৰৱণীয় ভিটামিন থাকে, যেনে এ, ডি, ই, আৰু কে । গাখীৰে কেলচিয়াম আৰু প্ৰ’টিন প্ৰদান কৰে, যি শৰীৰক সংক্ৰমণৰ বিৰুদ্ধে যুঁজ দিয়াত আৰু স্বাস্থ্যৱান হৈ থকাত সহায় কৰে।
আপোনাৰ শৰীৰটোক গৰম কৰি ৰাখে
ঘিউৱে আমাৰ শৰীৰৰ উষ্ণতা বৃদ্ধি কৰে । সেয়েহে ই শীতকালীন আহাৰত ব্যাপকভাৱে ব্যৱহাৰ কৰা হয়। ই শৰীৰৰ উষ্ণতা নিয়ন্ত্ৰণ কৰাত সহায় কৰাৰ লগতে ঘিউ গৰম গাখীৰৰ সৈতে গ্ৰহণ কৰিলে ছৰ্দীৰ সৈতে যুঁজিবলৈ শক্তি প্ৰদান কৰে ।
ছাল আৰু চুলিত পুষ্টিৰ যোগান ধৰে
শীতকালত বতাহৰ ফলত প্ৰায়েই আমাৰ ছাল আৰু চুলি অতি শুকান হৈ পৰে, যাৰ ফলত ছালবোৰ শুকান আৰু ৰুক্ষ হৈ পৰে। ঘিউত থকা স্বাস্থ্যকৰ চৰ্বীয়ে ছাল আৰু চুলিৰ ভিতৰৰ স্তৰবোৰত পুষ্টি প্ৰদান কৰে, আৰু ছাল আৰু চুলি সুস্থ তথা সতেজ হৈ থকাত সহায় কৰে । ফলত শীতকালত ঘিউ সেৱন কৰিলে আপোনাৰ ছাল তথা চুলিৰ প্ৰাকৃতিক সৌন্দৰ্য বৃদ্ধি কৰাত সহায় কৰে ।
টোপনি ভাল কৰাত সহায়ক
শোৱাৰ আগতে ঘিউৰ সৈতে এগিলাচ গাখীৰ সেৱন কৰিলে প্ৰাকৃতিকভাৱে ভাল টোপনি অহাত সহায় কৰে । ঘিউত অত্যাৱশ্যকীয় ফেটি এচিড থাকে যিয়ে টোপনি নিয়ন্ত্ৰণ কৰা এক বিশেষ হৰমন ।
শৰীৰত শক্তি প্ৰদান কৰে
শীতকালত ঘিউ সেৱন কৰিলে আপোনাৰ শৰীৰক শক্তি প্ৰদান কৰি দিনটো সবল হৈ থকাত সহায় কৰিব । আপুনি ভাগৰুৱা অনুভৱ কৰিলে গাখীৰৰ লগত ঘিউ মিহলাই খাব পাৰে অথবা আপোনাৰ খাদ্যত ঘিউ ব্যৱহাৰ কৰিব । ইয়াৰোপৰি ঘিউৱে শৰীৰৰ হোৱা বিষৰো উপশম ঘটাব পাৰে ।
