Do you know the amount of assets of Allu Arjun:
২১ বছৰ ধৰি দক্ষিণ ভাৰতৰ চিনেমাত অভিনয় কৰি আহিছে আল্লু অর্জুনে। ইখনৰ পাছত সিখনকৈ ব্লকবাষ্টাৰ ছবিৰে চিনেমা জগতখনক শাসন কৰি আছে আল্লুৱে। ইমান জনপ্রিয় আৰু অনেক ছুপাৰহিট চিনেমাত কাম কৰা আল্লু অর্জুনৰ সম্পত্তিৰ পৰিমাণ কিমান জানেনে ?
আল্লু অর্জুনে যিটো ঘৰত বাস কৰে সেই ঘৰটোৰ মূল্য ১০০ কোটি টকা। হায়দৰাবাদ স্থিত এই ঘৰটোৰ নাম ‘আশীর্বাদ’। পত্নী আৰু দুটা সন্তানৰ স’তে তেওঁ তাতেই থাকে।
আল্লু অর্জুনৰ সম্পত্তিৰ পৰিমাণ প্রায় ৪৬০ কোটি টকা। তেওঁৰ হাতত আছে সাত কোটি টকাৰ ভেনিটি ভ্যান। যাৰ কিছু ছবি আল্লুৱে নিজৰ ইনষ্টাগ্রাম প্রফাইলত দিছিল। ভেনিটিৰ ভিতৰৰ আভাস দেখি অনুৰাগীসকল স্তম্ভিত হৈ পৰে। ভেনিটি ভ্যানখনৰ ৰং সম্পূৰ্ণ ক’লা আৰু তাত ডাবল এ লিখা আছে।
আগতে তেওঁ প্রতিখন চিনেমাৰ বাবে ছয় কোটি টকা লৈছিল। কেৱল সেয়াই নহয়, চিনেমাখনৰ ব্যৱসায়িক লাভৰ কিছু অংশও তেওঁ লাভ কৰিছিল। কিন্তু ‘পুষ্পা’২ৰ আকাশলংঘী সফলতাৰ পিছত অভিনেতা গৰাকীৰ পাৰিশ্ৰমিক কেবাগুণো বৃদ্ধি পালে। শুনা যায় যে অভিনেতাগৰাকীৰ পাৰিশ্রমিক এতিয়া হয়গৈ ১০০ কোটি টকা। তেওঁৰ এটা প্রডাকছন হাউচ আৰু মাল্টিপ্লেক্স আছে। লগতে আছে ৰেষ্টুৰেণ্টৰ ফ্রেঞ্চাইজিও।