Encounter:মহানগৰীত পুনৰ আৰক্ষীৰ এনকাউণ্টাৰ
আৰক্ষীৰ গুলীত গুলীবিদ্ধ চিলনী চোৰ জুৱেল খান
বনফুল নগৰত মঙলবাৰে এগৰাকী মহিলাক আক্ৰমণ কৰি লুট কৰি নিছিল বেগ
সিজুবাৰীৰ জুয়েল খানৰ ঘৰত আৰক্ষীৰ অভিযানত উদ্ধাৰ মহিলা গৰাকীৰ দুখন এটিএম সহ স্কুটী
:মহানগৰীত পুনৰ এনকাউণ্টাৰৰ ঘটনা । গৰজি উঠিল আৰক্ষীৰ বন্দুক ৷ চিলনী চোৰলৈ হাতীগাঁও আৰক্ষীয়ে কৰা গুলীচালনাত গুলীবৃদ্ধ এটা গভাইত চোৰ৷ ভৰিত আঘাতপ্ৰাপ্ত চিলনী চোৰটোক ভৰ্তি কৰা হয় জিএমচিএইছত ৷
উল্লেখ্য যে মঙলবাৰে চিলনী চোৰে বনফুল নগৰত এগৰাকী মহিলাক আক্ৰমণ থপিয়াই নিছিল টকাৰ বেগ এটা ৷ মহিলা গৰাকীয়ে এটিএমৰ পৰা টকা উলিয়াই গৃহাভিমুখী হোৱাৰ পথতে সংঘটিত হয় ঘটনাটি ৷ চিলনী চোৰৰ আক্ৰমণত মহিলা গৰাকীৰ
দুডাল হাড় ভাগিছিল।
আনহাতে মহিলা গৰাকীয়ে হাতীগাঁও থানাত দিয়া এজাহাৰৰ ভিত্তিত আৰক্ষীয়ে নিশাই ক্ষীপ্ৰতাৰে অভিযান চলাই সিজুবাৰী নৱজ্যোতি পথৰ এটা ঘৰৰ পৰা কুখ্যাত চিলনী চোৰ জুৱেল খানক আটক কৰিবলৈ সক্ষম হোৱাৰ লগতে তেওঁৰ ঘৰৰ পৰা জব্দ কৰে মহিলা গৰাকীৰ দুয়োখন এটিএম সহ এখন স্কুটী ৷
ইপিনে আৰক্ষীয়ে আটক কৰি থানালৈ অনাৰ পথত আৰক্ষীৰ জিন্মাৰ পৰা পলাবলৈ লওতেই আৰক্ষীয়ে চিলনী চোৰটোৰ ভৰিলৈ লক্ষ্য কৰি গুলীয়াই ৷ ফলত গুলীবৃদ্ধ চিলনী চোৰ জুৱেলক ততাতৈয়াকৈ হাতীগাঁও আৰক্ষীয়ে ভৰ্তি কৰে জিএমচিএইছত ৷
