Advantage Assam 2nd day:
মহানগৰীৰ খানাপাৰাস্থ পশু চিকিৎসা খেলপথাৰত অনুষ্ঠিত এডভাণ্টেজ আছাম 2.0ৰ আজি দ্বিতীয় তথা অন্তিমদিন। ইতিমধ্যে দেশী- বিদেশী বহু কোম্পানীয়ে চৰকাৰৰ স’তে কৰিছে বুজাবুজি চুক্তি ৷ ইখনৰ পিছত সিখনকৈ বুজাবুজি চুক্তি স্বাক্ষৰিত হোৱাৰ ফলস্বৰূপে আজি দিনটোত ১ লাখ কোটিতকৈ অধিক চুক্তি স্বাক্ষৰৰ সম্ভাৱনা ব্যক্ত কৰিছে আয়োজক অসম চৰকাৰে ৷
উল্লেখ্য যে মঙলবাৰৰ আৰম্ভণি দিনটোত ডেৰ লাখ কোটিতকৈ অধিক টকা বিনিয়োগৰ চুক্তি স্বাক্ষৰিত হৈছিল ৷ আজি এডভাণ্টেজ আছামত ভাগ লৈছে কেন্দ্ৰীয় ৰাষ্ট্ৰীয় ঘাইপথ মন্ত্ৰণালয় মন্ত্ৰী নীতিন গাডকাৰী আৰু পেট্ৰলিয়াম দপ্তৰৰ মন্ত্ৰী হৰদীপ সিং পুৰী ৷
আজি অসম চৰকাৰৰে বুজাবুজি চুক্তি স্বাক্ষৰ কৰিছে প্ৰখ্যাত স্বাস্থ্য খণ্ডৰ উদ্যোগী মাধৱী লতাই ৷ মাধৱীৰ বিৰিঞ্চি লিমিটেডে অসমত স্থাপন কৰিব চিকিৎসালয় ৷ এই চিকিৎসালয়ত ৰোগীয়ে লাভ কৰিব বিনামূলীয়া চিকিৎসা ৷ এডভান্টেজ আছাম 2.0 সন্মিলনত অংশ লৈ এই কথা ঘোষণা বিজেপিৰ জ্যেষ্ঠ নেত্ৰী গৰাকীৰ ৷ উল্লেখ্য যে ,যোৱাটো লোকসভা নিৰ্বাচনত হাইদৰাবাদ সমষ্টিত বিজেপিৰ প্ৰাৰ্থী হিচাপে অৱতীৰ্ণ হৈছিল যদিও আছাদুদ্দিন ওৱেছীৰ হাতত পৰাভূত হৈছিল মাধবী লতা ৷
আনহাতে এডভান্টেজ আছাম২.০আজি অন্তিম দিনটোত অসম চৰকাৰৰে বুজাবুজি চুক্তি কৰিছে দেশৰ কে’বাটাও আগশাৰীৰ কোম্পানীয়ে ৷ সেই অনুসৰি ষ্টাৰ চিমেণ্টে ৩২০০ কোটি,মেথিছন হাইড্র’জেন ১৫০০ কোটি, মেদান্তা হস্পিতাল ৫০০ কোটি,তামাৰা লেইজাৰ ২৭৫ কোটি, বিৰিঞ্চি লিমিটেড ৩০০০ কোটি,বিৰিঞ্চি হেল্থকেয়াৰ ২০০ কোটি,আলট্রাটেক চিমেন্ট ৭০০ কোটি, চিম্বা লজিষ্টিকছ ৪০০ কোটি, ঘুৱান ডেভেলপমেন্ট প্ৰাইভেট ১৪৪ কোটি,চেৰামিকছ লিমিটেড ১২০ কোটি , বেইলী স্ট্রং চিমেন্ট ৪৮০ কোটি ,VARUN BEVERAGES লগত ৫১০ কোটি টকাৰ চুক্তি ,ককাপপ্লাচৰ লগত ১০০০ কোটিৰ চুক্তি,কোঠাৰি ইণ্ডাষ্ট্ৰিৰ লগতো ৫০০ কোটিৰ চুক্তি ৷
একেদৰে খানাপাৰাত সম্পন্ন হোৱা বুজাবুজি চুক্তিৰ লেখিয়াকৈ ৰাজ্যৰ জিলাই জিলাই বিভিন্ন বিনিয়োগকাৰীয়ে চৰকাৰৰে কৰিছে বুজাবুজি চুক্তি ৷ সেই অনুসৰি বৰপেটাত ৭৫ গৰাকী বিনিয়োগকাৰীয়ে ২০ কোটি,গোৱালপাৰাত ৬০.৩৩ কৌটি টকাৰ ২২ গৰাকী উদ্যোগীয়ে বুজাবুজি চুক্তি স্বাক্ষৰ কৰাৰ বিপৰীতে বিশ্বনাথত ৪৫ গৰাকী বিনিয়োগকাৰীয়ে স্বাক্ষৰ কৰিলে ৫০খন চুক্তিপত্ৰত |