Chirang UPPL:
বিটিচি পৰিষদীয় নিৰ্বাচনৰ দিন যিমানেই চমু চাপি আহিছে বিটিআৰত নিৰ্বাচনী বতাহ সিমানেই গৰম হোৱা পৰিলক্ষিত হৈছে । দিনে নিশাই ব্যাস্ত হৈ পৰিছে শাসক বিৰোধী ৰাজনৈতিক দল। ইয়াৰে মাজত মিত্ৰজোটৰ দুই দল বিজেপি-ইউপিপিএলে পৃথকে পৃথকে নিৰ্বাচনত অৱতিৰ্ণ হ’ব বিটিচিত। দেওবাৰে চিৰাঙৰ ডাংতল সন্ধিয়া ৭ বজাৰ পৰা ইউপিপিএল দলৰ অনুষ্ঠিত হয় এক যোগদান সভা ।
বাংগালডোবা শাখা ইউপিপিএলৰ উদ্যোগত অনুষ্ঠিত হোৱা এই যোগদান সভাত উপস্থিত থাকে ইউপিপিএলৰ কাৰ্যকৰী সভাপতি তথা ৰাজ্যসভাৰ সাংসদ ৰণগৌৰা নাৰ্জাৰী, ইউপিপিএলৰ কেন্দ্ৰীয় সমিতিৰ মেডিয়া কোষৰ হান্তিগিৰি নাৰ্জাৰী, লগতে ইউপিপিএলৰ চিৰাং জিলা আৰু কাজলগাঁও ব্লক সমিতিৰ নেতৃত্বৰ উপস্থিতিত বিজেপি দলৰ পৰা অহা ৩৬ জন পুৰুষ-মহিলাই ইউপিপিএল দলত যোগদান কৰে । সাংসদ নাৰ্জাৰীয়ে আনুষ্ঠানিক ভাৱে দলীয় গামোচাৰে আদৰি লয় আটাইকে ।
যোগদান অনুষ্ঠানত সাংসদ নাৰ্জাৰীয়ে কয় যে এয়া গণতান্ত্ৰিক দেশ গতিকে ইয়াত সকলোৰে অধিকাৰ আছে নিৰ্বাচনত প্ৰতিদ্বন্দিতা কৰাৰ । সেয়ে বিজেপি,বিপিএফকে আদি কৰি বিভিন্ন ৰাজনৈতিক দলে প্ৰতিদ্বন্দিতা কৰিব তাত কাৰো কোনো আপত্তি থাকিব নালাগে । আমি ইউপিপিএল দলৰ পৰা যোৱা পৰিষদীয় নিৰ্বাচনত অকলে প্ৰতিদ্বন্দিতা কৰি বিটিআৰৰ পৰিষদ গঠন কৰিবলৈ সক্ষম হৈছিলো ।
এতিয়া আমাৰ দলৰ স্থিতি অধিক শক্তিশালী হৈছে সেয়ে এইবাৰ আমি ৪০ টা পৰিষদীয় সমষ্টিত প্ৰতিদ্বন্দিতা কৰিম আৰু পৰিষদ গঠন কৰিবলৈ সক্ষম হম বুলি দাবী কৰে ৰাজ্যসভাৰ সাংসদ ৰণগৌৰা নাৰ্জাৰীয়ে। তেওঁ লগতে কয় যে আচলতে ৰাইজে সিদ্ধান্ত ল’ব কোন দলক ভোট দিব । যিহেতু আমি যোৱা ৫টা বছৰত বিটিআৰত স্থায়ী শান্তি স্থাপন কৰিবলৈ সক্ষম হৈছোঁ, জাতী ধৰ্ম নিৰ্বিশেষে সম অধিকাৰ আৰু সম উন্নয়ণ কৰিব পাৰিছো সেয়ে ৰাইজে নিশ্চয় আমাক ভোটদান কৰিব ৰাইজৰ ওপৰত সেই আস্থা আছে ।
এবছুৰ সভাপতিৰ আহ্বানত বিপিএফৰ সৈতে আলোচনাৰ কথা ওলাইছিল আৰু আমি আলোচনাত আগবাঢ়িছিলো যদিও এই ক্ষেত্ৰত বিপিএফৰ মুৰব্বী হাগ্ৰামা মহিলাৰীৰ সদিচ্ছা নথকা বাবে সেয়া নহ’ল বুলি কয় সাংসদ জনে । হাগ্ৰামা মহিলাৰীৰ ঘনিষ্ঠ বহু নেতাই আলোচনা বিচাৰিছিল আৰু সেয়া নোহোৱা বাবে হাগ্ৰামাক এৰি আমাৰ ওচৰলৈ আহিছে । বিটিআৰৰ উন্নয়ণ নিবিচাৰে হাগ্ৰামাই যাৰ বাবে যোৱা ৫ টা বছৰৰ এদিনো পৰিষদীয় সদনত উপস্থিত নহ’ল হাগ্ৰামা মহিলাৰী । তেওঁৰ কোনো দায়বদ্ধতাও নাই । হাগ্ৰামাৰ প্ৰতি মোহভঙ্গ হৈ বিপিএফ এৰি বাঘা বাঘা নেতা ইউপিপিএল দলত যোগদান কৰিলে। বিজেপি দলে প্ৰতিদ্বন্দিতা কৰিলে ইউপিপিএল দলৰ কোনো ক্ষতি নহয় ।
এনেকি প্ৰত্যাহ্বান নহয় বিপিএফ দলেই ইউপিপিএলৰ প্ৰত্যাহ্বান হ’ব যদিও আজিৰ তাৰিখত বিপিএফ দল সূন্য। গতিকে ইউপিপিএলৰ প্ৰতি ৰাইজৰ সঁহাৰি আছিল আৰু থাকিব আৰু পৰৱৰ্তি সময়তো ইউপিপিএল দলেই পৰিষদ গঠন কৰাটো নিশ্চিত বুলি কয় ৰাজ্যসভাৰ সাংসদ ৰণগৌৰা নাৰ্জাৰীয়ে। অনুষ্ঠানত উপস্থিত থাকি ইউপিপিএলৰ মেডিয়া তেলৰ হান্তিগিৰি নাৰ্জাৰীয়ে কয় বিপিএফ দলে যোৱা ১৭ বছৰ শাসন কৰি অশান্তিৰ সৃষ্টি কৰিছিল বিটিচিত।
উন্নয়ণৰ পৰিৱৰ্তে প্ৰতিটো ক্ষেত্ৰত কেৱল দূৰ্ণীতিহে হৈছিল। কিন্তু যোৱা ৫ বছৰত প্ৰমোদ বড়োৰ নেতৃত্বত বিটিচিত স্থায়ী শান্তি প্ৰতিষ্ঠা হ’ল,আশা কৰা ধৰনে উন্নয়ণ হ’ল । গতিকে ইয়াত বিপিএফ দল আজিৰ তাৰিখত এটা বিগ জিৰো হৈ আছে । ইউপিপিএলৰ কোনো বিকল্প নাই বিটিচিত । ৰাইজৰ মৰম আছে আমাৰ লগত আৰু আমি পৰিষদ গঠন কৰিম বিপুল ভোটত জয়ী হৈ ।