Parbatjhora visit Gaurav Gogoi:
আগন্তুক বিটিচি নিৰ্বাচনলৈ মাজত মাত্ৰ কেইটামান মাহ থকা অৱস্থাত পোন প্ৰথমবাৰৰ বাবে সোমবাৰে বিটিআৰৰ পৰ্বতঝোৰাত উপস্থিত হয় এপিচিচি সদ্য নিযুক্ত সভাপতি গৌৰৱ গগৈয়ে ৷ যোৰহাটৰ সাংসদ গৰাকীক পৰ্বতঝোৰাৰ হাইস্কুল খেলপথাৰত আয়োজিত এক দলীয় সভাত উষ্ম আদৰণি জনাই কংগ্ৰেছ নেতা- কৰ্মী সহ স্থানীয় ৰাইজে ।
ইয়াৰ পিছতে এক সংবাদমেল সম্বোধন কৰি মুখ্যমন্ত্ৰী আৰু তেওঁৰ পত্নীৰ বিৰুদ্ধে পুনৰ সৰৱ হৈ পৰে এপিচিচি সভাপতি গৰাকী ৷অসমত এতিয়া মাটি কিনে কেৱল মামা মামি, আম্বানী আৰু আদানিয়ে l কোকৰাঝাৰ জিলাৰ পৰ্বতঝোৰা বাসবাৰীত জনগোষ্ঠীৰ মাটি ইউপিপিএল আৰু বিজেপি চৰকাৰে আদানি কোম্পানীক বিক্ৰী কৰিছে। এই কাৰ্যৰে বড়ো আন্দোলনত প্ৰাণ আহুতি দিয়াঁ শ্বহীদ সকলক অপমান কৰিছে বুলি মন্তব্য কৰি গগৈয়ে আৰু কয় কাৰ্বি আংলং, ডিমা হাছাউটোও একেই পৰিবেশ। দুখীয়া মানুহৰ পৰা মাটি লোৱাতকৈ মাটিৰ অধিকাৰ দিয়ক। আৰু ইয়াই এইবাৰৰ বিটিআৰ নিৰ্বাচনৰ মূল মন্ত্ৰ হব।
সাংসদ গৰাকীয়ে আৰু কয় যে ,সৰ্বানন্দ সোণোৱালৰ মুখ্যমন্ত্ৰীত্বৰ কালছোৱাতএনে ধৰণৰ মাটিৰ লুণ্ঠন আমি দেখা নাই। তেওঁলোকে কৈছিল জাতি মাটি আৰু ভেটি।কিন্তু বাস্তৱত হৈছে মামা, মামি আম্বানি আৰু আদানী। ড: হিমন্ত বিশ্ব শৰ্মা বাস্তৱ সনাতনি হব নোৱাৰে, হিন্দু ও হব নোৱাৰে, তেওঁ মাত্ৰ ৰাজনীতি কৰি আছে ধৰ্ম লৈ।
মুখ্যমন্ত্ৰীয়ে এতিয়া কয় যদি মন্ত্ৰীৰ চাকৰি যায় আমি যদি বিৰোধী হব লাগে অৰ্থাৎ এতিয়াৰ পৰাই বুজি পাইছে বতৰ সলনি হৈছে। সাধাৰণ ৰাইজক কৰ্তন কৰি মন্ত্ৰীৰ পত্নীৰ নামত ৫০ লক্ষাধিক টকা আবণ্টন লৈছে বুলি তাৎপৰ্যপূৰ্ণ মন্তব্য কৰে এপিচিচিৰ সভাপতি গৰাকীয়ে ৷
আনহাতে বিটিআৰ নিৰ্বাচন সন্দৰ্ভত গগৈয়ে কয়, বিটিআৰ নিৰ্বাচনৰ প্ৰস্তুতি আগৰ পৰাই চলি আছে। এইবাৰ নিৰ্বাচনত প্ৰতিটো সমষ্টিত কংগ্ৰেছে প্ৰাৰ্থী নিক্ষেপ কৰিব ৷
আনহাতে অখিল গগৈ প্ৰসংগত সাংসদ গৰাকীয়ে কয় ,অখিল গগৈ দিনত শুই উঠি কেতিয়া কাক সমালোচনা কৰিব কোনেও কব নোৱাৰে। এদিন কংগ্ৰেছৰ লগত মিত্ৰতা কৰিব বিচাৰিব, এদিন কব কংগ্ৰেছে আটাইতকৈ দুৰ্নীতি কৰা দল। এইদৰে ৰাইজৰ দলৰ সভাপতি গৰাকীক কটাক্ষ কৰে ৷