Himanta Viswa Sarma:
‘ক’ত কাম কৰে আপুনি?’ হাতত ম’বাইল ফোন লৈ থকা প্রধান শিক্ষকজনক প্রচণ্ড ধমক দিলে মুখ্যমন্ত্রী মক দি মুখ্যমন্ত্রীয়ে কয়, এইটো তোমাৰ কি স্কিম হ’ল যে ম’বাইলটো আগত লৈ তুমি মাইকত কথা ক’বা, এইটো কি ষ্টাইল কওঁক?’ তাৰ পাছত মুখ্যমন্ত্ৰীয়ে কঠিন সুৰত সোধে, ‘ক’ত কাম কৰে আপুনি? ম’বাইলটো হাতত থিয় কৰি লৈ আপুনি কথা পাতিব আৰু তাৰ পাছত লগৰ মানুহখিনিক ক’ব যে মই এইদৰে ক’লো। এইবিলাক কি ধৰণৰ প্ৰৱণতা? এজন প্রধান শিক্ষক, অলপতো জ্ঞান থাকিব লাগে।’
তেওঁ কয়, ‘এইবোৰ নকৰিব। ল’ৰা-ছোৱালীবোৰ বেয়া হ’ব। ম’বাইলটো কিয় খুলি থৈছে? বহ!’ শিক্ষকজনে ভুলতে হোৱা বুলি কোৱাত মুখ্যমন্ত্রীয়ে কয়, ‘ভুলতে নহয় বাবা। মোৰো ৫৫ বছৰ হ’ল। ইমানতো বুজি পাওঁ।’ তাৰ পাছত মুখ্যমন্ত্ৰীৰ চকু গ’ল উপস্থিত সাংবাদিকৰ দললৈ। এইবাৰ মুখত হাঁহি বিৰিঙাই সুৰ কমল কৰি তেওঁ ক’লে, সাংবাদিকসকলে ইয়াত কি কৰিব? আপোনালোক বাহিৰত থাকিব। মই ওলাই যাওঁতে বাহিৰত ক’ম।’
এইবাৰ মুখ্যমন্ত্ৰীৰ হঠাতে অনুভৱ হ’ল যে বিভাগীয় পুনৰীক্ষণ বৈঠকৰ ভিতৰত সাংবাদিক কিয় বহি আছে। তেওঁ ওচৰত থকা বিষয়াক কয়, ‘সাংবাদিকসকলক কোনে মাতিছে? ভাই, বিভাগটো অলপ ঠিক কৰক। সাংবাদিকে পুনৰীক্ষণ বৈঠকত শুনি থাকে নেকি? কেনেকৈ আহিব পাৰে? কি যে কৰে নহয়… চৰকাৰ ! এনেকৈ চৰকাৰ চলে নেকি?’ এইবাৰ সাংবাদিকক কয়, ‘বাবা, মই বাহিৰত স্টেমেণ্ট দিম।’
উল্লেখ্য যে আদর্শ বিদ্যালয়ৰ প্ৰধান শিক্ষকজনে মুখ্যমন্ত্রীৰে মত বিনিময় কৰাৰ সময়ত ভিডিঅ’ কৰি থকা বাবেই তেওঁ ক্ষুব্ধ হৈ পৰে। মহানগৰীৰ গুৱাহাটী চিকিৎসা মহাবিদ্যালয় প্রেক্ষাগৃহত শিক্ষকবে গুৰুপূর্ণিমাৰ দিনা মত বিনিময় কৰাৰ সময়তে একাংশ শিক্ষকৰ আচৰণত মুখ্যমন্ত্রী ক্ষুণ্ণ হয়। ম’বাইল হাতত লৈ চাহ বাগিচাৰ আদর্শ বিদ্যালয়ৰ প্ৰধান শিক্ষকজনে ভিডিঅ’ কৰা দেখি প্রচণ্ড ধমক শোধাই মুখ্যমন্ত্রীয়ে ক’লে যে হাতত ম’বাইল লৈ তেওঁ ভিডিঅ’ কৰি লগৰ শিক্ষকসকলক দেখুৱাব যে তেওঁ বৈঠকত কি কৈছিল।
ইপিনে, আদর্শ বিদ্যালয়ৰ শিক্ষকে কে’বা মাহো দৰমহা নোপোৱা বিষয়টোত অগ্নিশর্মা হৈ শিক্ষামন্ত্রী ৰণোজ পেগুকো প্রশ্ন কৰে। তেওঁ শিক্ষকসকলক সোধে যে তেওঁলোকে কিমান দিন দৰমহা পোৱা নাই। বছৰত কিমানদিন দৰমহা নোপোৱাকৈ থাকে। বিত্তীয় বৰ্ষৰ প্ৰথমৰ ফালে এপ্রিল-মে’ত এনে হয় আদি উত্তৰ শিক্ষকে দিয়াৰ পাছত তেওঁ উপস্থিত শিক্ষামন্ত্রী ৰণোজ পেগুক প্রশ্ন কৰে, ‘ৰণোজ দা এইটো কিয় হয়।’ এপ্রিল, মে’ আৰু জুনৰ দৰমহা পাওঁতে কিয় পলম হয় আদর্শ বিদ্যালয়ৰ প্ৰধান শিক্ষকৰ।