Sports:✒️১২ বছৰৰ ভিতৰত ক্রীড়া ক্ষেত্রত আটাইতকৈ ব্যস্ত ক্রীড়াবর্ষৰূপে পৰিগণিত হৈছে ২০২৬ ।কিয়নো এই বর্ষটোত ক্রিকেট, ফুটবল আৰু হকীকে ধৰি পাঁচখন বিশ্বকাপ অনুষ্ঠিত হ’ব।
অর্থাৎ আধুনিক যুগৰ ক্রীড়া প্রতিযোগিতাৰ ক্ষেত্ৰত ২০২৬ আটাইতকৈ ডাঙৰ ক্ৰীডা বছৰ হ’ব। ২০১৪ৰ পাছত প্রথমবাৰৰ বাবে একে বছৰতে অনুষ্ঠিত হ’ব ক্রিকেট, ফুটবল আৰু হকী বিশ্বকাপ। ইয়াৰ উপৰি এইবাৰ মহিলা টি-২০ বিশ্বকাপ আৰু পুৰুষৰ ১৯ বছৰ অনূর্ধ্ব ক্রিকেট বিশ্বকাপ অনুষ্ঠিত হ’ব।
কমনৱেলথ আৰু এছিয়ান গেমছৰ দৰে বহু ক্রীড়া, বহু ৰাষ্ট্রীয় মেগা ইভেন্ট অনুষ্ঠিত হ’ব এই বর্ষটোতে। আন্তঃৰাষ্ট্ৰীয় প্রতিযোগিতাসমূহৰ ভিতৰত এই বর্ষটোত অনুষ্ঠিত হ’ব আইপিএল আৰু ডব্লিউপিএল। লগতে এইবৰ্ষত চাৰিখন টেনিছ গ্রেণ্ড শ্লেম অনুষ্ঠিত হ’ব। ২০২৬তে সিদ্ধান্ত লোৱা হ’ব কোনে পৰৱৰ্তী বিশ্ব দবা চেম্পিয়নশ্বিপৰ বাবে দবা বিশ্ব চেম্পিয়ন ডি গুকেশক প্রত্যাহ্বান জনাব।
উল্লেখ্য যে আইচিচি ১৯ বছৰ অনূর্ধ্ব পুরুষ বিশ্বকাপেৰে আৰম্ভ হ’ব এই নববর্ষ। মুঠ ১৬টা দলে অংশগ্রহণ কৰিবলগীয়া এই প্রতিযোগিতা ১৫ জানুৱাৰীৰ পৰা ছয় ফেব্ৰুৱাৰীলৈ জিম্বাব’বে আৰু নামিবিয়াত অনুষ্ঠিত হ’ব। একেদৰে আইচিচি টি-২০ বিশ্বকাপ অহা সাত ফেব্রুৱাৰীৰ পৰা আঠ মার্চলৈকে অনুষ্ঠিত হ’ব।
এই প্রতিযোগিতাৰ আয়োজক হৈছে ভাৰত আৰু শ্রীলংকা। এইবাৰৰ টি-২০ বিশ্বকাপত প্রথমবাৰৰ বাবে ২০টা দ’লে অংশগ্রহণ কৰিব।
আনহাতে, ফুটবলৰ আটাইতকৈ বৃহৎ প্রতিযোগিতা ফিফা বিশ্বকাপ এই বর্ষতে অনুষ্ঠিত হ’ব। ১১ জুনৰ পৰা ২৯ জুলাইলৈকে অনুষ্ঠিত হ’বলগা এইবাৰৰ ফিফা বিশ্বকাপৰ আয়োজক হৈছে আমেৰিকা, কানাডা আৰু মেক্সিকো। প্রতিযোগিতাত মুঠ ৪৮টা দলে অংশগ্রহণ কৰিব। একেদৰে ষষ্ঠদশ পুৰুষ হকী বিশ্বকাপ এই বছৰতে অনুষ্ঠিত হ’ব।
এই প্রতিযোগিতা ১৪ আগষ্টৰ পৰা ৩০ আগষ্টলৈ বেলজিয়াম আৰু নেদাবলেণ্ডত অনুষ্ঠিত হ’ব। উল্লেখ্য যে প্রতি চাৰি বছৰৰ মূৰত অনুষ্ঠিত হোৱা এই বিশ্বকাপ আন্তঃৰাষ্ট্ৰীয় হকী ফেডাৰেছনে আয়োজন কবে। সমান্তবলভাৱে ইন্ডিয়ান প্রিমিয়াৰ লীগ চমুকৈ আইপিএল ২০২৬ৰ দিন অৱশ্যে এতিয়ালৈকে ঘোষণা হোৱা নাই যদিও পূর্বৰ দতে এই টুর্ণামেন্ট মার্চতে অনুষ্ঠিত হোবাৰ সম্ভাবনা আছে।
ইয়াৰ উপৰি ছয় ফেব্রুবাৰীৰ পৰা ২২ ফেব্রুবাৰীলৈ ইটালীৰ মিলান আৰু ক’টিনাত শীতকালীন অলিম্পিক গেমছ অনুষ্ঠিত হ’ব। উল্লেখ্য যে উইম্বলডন হৈছে টেনিছৰ এক বিশ্বজনীন প্রতিযোগিতা। বিশ্বৰ তাৰকা টেনিছ খেলুৱৈসকলে এই টুর্ণামেন্টত অংশগ্রহণ কৰে।
উইম্বলডনৰ আয়োজন ইংলণ্ডে কৰিব। এই টুর্ণামেন্ট ২৯ জুনব পন্য ১২ জুলাইলৈকে অনুষ্ঠিত হ’ব। অস্ট্রেলিয়ান অপেন টেনিছ টুর্ণামেন্ট জানুৱাৰীতে অস্ট্রেলিয়ার মেলবর্ণত অনুষ্ঠিত হ’ব। একেদবে ফুটবলৰ ইউইএফএ চেম্পিয়নছ লীগৰ ফাইনেল ৩০ মে’ত হাংগেৰীৰ বুডাপেষ্টত অনুষ্ঠিত হ’ব।
লগতে জুন-জুলাইত অনুষ্ঠিত হ’ব আইচিচি মহিলা টি-২০ বিশ্বকাপ। এইবাৰ টি-২০ বিশ্বকাপৰ আয়োজক হৈছে ইংলণ্ড। আনহাতে, শীতকালীন পেৰা অলিম্পিক ছয় মার্চৰ পৰা ১৫ মার্চলৈ ইটালীৰ মিলানত অনুষ্ঠিত হ’ব।