Domdoma:ডুমডুমাত ভয়ংকৰ ঘটনা

Domdoma:

তিনিচুকীয়াৰ ডুমডুমাত চাঞ্চল্যকৰ ঘটনা। শিক্ষকৰ প্ৰহাৰত ছাত্ৰৰ মৃত্যুৰ গুৰুতৰ অভিযোগ । ফিল’বাৰীৰ শংকৰদেৱ শিশু নিকেতনৰ অষ্টম শ্ৰেণীৰ ছাত্ৰ উৎপল টায়েক শিক্ষক সঞ্জীৱ শৰ্মাই গুৰুলাগুৰুলকৈ প্ৰহাৰ কৰাৰ অভিযোগ উদ্থাপন কৰিছে ছাত্ৰজনৰ অভিভাৱকে।

বৃহস্পতিবাৰেই সংঘটিত হৈছিল এই ঘটনা । ঘটনাৰ পাছতেই নি কেতন কৰ্তৃপক্ষই ছাত্ৰজনক অসম চিকিৎসা মহাবিদ্যালয়ত ভৰ্তি কৰোৱা হৈছিল যদিও শুকুৰবাৰে নিশা চিকিৎসাধীন অৱস্থাত ছাত্ৰজনৰ মৃত্যু হয় । সমগ্ৰ ঘটনাক নিকেতন কৰ্তৃপক্ষই গাপ দিয়াৰ চেষ্টা চলোৱাৰো অভিযোগ উত্থাপিত হৈছে । উৎপল টায়েৰ পিতৃ গমেশ টায়েৰ ঘৰ শিৱসাগৰ জিলাৰ আমগুৰি কপাহতলিত । প্ৰথম শ্ৰেণীৰ পৰাই ছাত্ৰজন শংকৰদেৱ শিশু নিকেতন ফিল’বাৰীত অধ্যয়ণ কৰিছিল । বিদ্যালয়ৰ অধ্যক্ষ মমী মহন্তৰ ছাত্ৰাবাসত থাকি অধ্যয়ন কৰিছিল ছাত্ৰজনে ।

ঘটনাৰ পাছতেই ফিল’বাৰী তিনিআলিৰ লগতে শংকৰদেৱ শিশু নিকেতন ফিল’বাৰী স্কুলৰ সন্মুখত টায়াৰ জ্বলাই উত্তাল প্ৰতিবাদ সাব্যস্ত কৰে । ঘটনাৰ মুল অভিযুক্ত শিক্ষক শৰ্মাক কঠোৰ শাস্তি বিহাৰ লগতে বিদ্যালয়খনৰ সকলো শিক্ষককেই তদন্তৰ আওতালৈ আনিবলৈ দাবী জনায়ছে । ঘটনাৰ পাছতেই স্বতঃস্ফুতভাৱে সমগ্ৰ ফিল’বাৰী অঞ্চল বন্ধ হৈ পৰিছে । ছাত্ৰজনৰ অকাল মৃত্যুত ফিল’বাৰীত শোকৰ ছাঁ পৰিছে ।

উল্লেখ্য যে ছাত্ৰজনৰ দুৰ্ভগীয়া পৰিয়ালটিয়ে শিক্ষক সঞ্জীৱ শৰ্মাৰ বিৰুদ্ধে এজাহাৰ দাখিল কৰিছে ডুমডুমা থানাত।