Tragic road accident in Uttar Pradesh:
দৈনিক অগ্ৰদূত ডিজিটেল ডেক্স:–উত্তৰ প্ৰদেশত সংঘটিত হৈছে এক ভয়ংকৰ দুৰ্ঘটনা। হাপুৰত এখন বিবাহযাত্ৰী কঢ়িওৱা বাছ আৰু ট্ৰাকৰ মুখামুখি সংঘৰ্ষত ৬ জন লোক নিহত হোৱাৰ বিপৰীতে আহত হয় ৭ জন লোক। বিবাহ সম্পন্ন কৰি ঘৰলৈ উভতাৰ পথত হাপুৰৰ ধৌলানা-গুলাৱতী পথত সংঘটিত এই শোকাৱহ দুর্ঘটনাটি। দুৰ্ঘটনাগ্ৰস্ত বাছ খনত আছিল প্ৰায় ১২ জন লোক।
আৰক্ষী অধীক্ষক জ্ঞানঞ্জয় সিঙে জনোৱা মতে, বিবাহ সম্পন্ন কৰি ঘৰলৈ উভতি অহা বিবাহ যাত্ৰী কঢ়িয়াই অনা এখন বাছ খনে ধৌলানা-গুলাৱতী পথত এখন ট্ৰাকৰ সৈতে সংঘৰ্ষত লিপ্ত হয়। ঘটনা সংঘটিতৰ পিছতে ঘটনাস্থলীত আৰক্ষীৰ দল উপস্থিত হৈ আহত সকলক ততাতৈয়াকৈ চিকিৎসালয়লৈ প্ৰেৰণ কৰা হয় যদিও বাছ চালক সহ ৬ জনৰ থিতাতে মৃত্যু হোৱাৰ বিপৰীতে আন ৭ জনৰ চিকিৎসাধীন হৈ আছে। ব
ঘটনাস্থলীৰ পৰা ট্ৰাকখন আঁতৰাই দিয়াৰ পিছতহে যাতায়ত ব্যাহত হোৱা ধৌলানা-গুলাৱতী পথছোৱা পুনৰ মুকলি হয় যাতায়াতৰ বাবে।
এই দুৰ্ঘটনাৰ সন্দৰ্ভত মুখ্যমন্ত্ৰী যোগী আদিত্যনাথে শোকপ্ৰকাশ কৰাৰ লগতে তদন্তৰ ঘোষণা কৰিছে । একেদৰে তেওঁ নিহতসকলৰ পৰিয়াললৈ সমবেদনা জ্ঞাপন কৰাৰ লগতে বিষয়াসকলক সেই স্থানত উপস্থিত হৈ সাহায্য অভিযান ক্ষিপ্ৰতাৰে কৰিবলৈ নিৰ্দেশ দিয়ে।