মৰিকলং ষ্টেচনৰ সমীপত ৰে’ল পথৰ কাষত উদ্ধাৰ মৃতদেহ; আৰক্ষীৰ তদন্ত আৰম্ভ

নগাঁৱত সংঘটিত এক ৰে’ল দুৰ্ঘটনাত এজন লোকৰ মৃত্যু হোৱা ঘটনাই চাঞ্চল্য সৃষ্টি কৰিছে।

মৰিকলং ষ্টেচনৰ সমীপত ৰে’ল পথৰ কাষত উদ্ধাৰ কৰা হয় মৃতদেহটো। পুৱা ডিউটীত থকা গেটমেনে প্ৰথমে মৃতদেহটো লক্ষ্য কৰি ঘটনাৰ বিষয়ে তৎক্ষণাত ৰে’লৱে আৰক্ষীক অৱগত কৰে।

খবৰ পোৱাৰ পাছতে ৰে’লৱে আৰক্ষীৰ এটা দল ঘটনাস্থলীত উপস্থিত হৈ মৃতদেহটো উদ্ধাৰ কৰে আৰু মৰণোত্তৰ পৰীক্ষাৰ বাবে প্ৰেৰণ কৰে।

আৰক্ষীৰ মতে, বৰ্তমানলৈকে নিহত ব্যক্তিজনৰ পৰিচয় চিনাক্ত কৰিব পৰা হোৱা নাই। ঘটনাটোৰ প্ৰকৃত কাৰণ উদ্ধাৰ কৰাৰ বাবে তদন্ত অব্যাহত ৰাখিছে ৰে’লৱে আৰক্ষীয়ে।