NSA Ajit Doval Saudi Visit:
দৈনিক অগ্ৰদূত ডিজিটেল ডেক্স:-ভাৰতৰ ৰাষ্ট্ৰীয় নিৰাপত্তা উপদেষ্টা অজিত ডোভাল দেওবাৰে চৰকাৰী ভ্ৰমণসূচীৰে ৰিয়াদত উপস্থিত হোৱাৰ পিছত সোমবাৰে ছৌদি আৰবৰ জ্যেষ্ঠ নেতাসকলৰ সৈতে কেইবাখনো উচ্চ পৰ্যায়ৰ বৈঠকত মিলিত হৈ দ্বিপাক্ষিক সম্পৰ্ক শক্তিশালী কৰে।
বিশেষকৈ ৰাষ্ট্ৰীয় নিৰাপত্তা উপদেষ্টা অজিত ডোভালে বৈঠক ছৌদিৰ বৈদেশিক মন্ত্রী ফৈছাল বিন ফাৰহান,শক্তি মন্ত্ৰী আব্দুলজিজ বিন ছালমান আৰু ৰাষ্ট্ৰীয় নিৰাপত্তা উপদেষ্টা মুছাইদ বিন মহম্মদ আল আইবানৰে এক গুৰুত্বপূৰ্ণ বৈঠকত অংশ লয়। ভাৰত আৰু ছৌদিৰ মাজত শক্তি সহযোগিতা বৃদ্ধি আৰু অঞ্চলটোৰ মূল উন্নয়নৰ বিষয়ে আলোচনা কৰে। ৷ উল্লেখ্য যে ডোভালৰ এই ভ্ৰমণে পৰিৱৰ্তিত ভূ-ৰাজনৈতিক পৰিৱেশৰ মাজত ভাৰত আৰু চৌদি আৰৱৰ মাজত ক্ৰমবৰ্ধমান কৌশলগত অংশীদাৰিত্বক প্ৰতিফলিত কৰিছে।
আনহাতে ৰিয়াদস্থিত ভাৰতীয় উচ্চায়ুক্তই সোমবাৰে এক বিবৃতিত কয় যে আলোচনাত পাৰস্পৰিক সহযোগিতা, আঞ্চলিক নিৰাপত্তাৰ চিন্তা, পাৰস্পৰিক লাভালাভকে ধৰি বহুতো বিষয় সামৰি লোৱা হৈছে।
উল্লেখ্য যে এন এছ এ অজিত ডোভালে দেওবাৰে উপসাগৰীয় শক্তিশালী ৰাষ্ট্ৰ ছৌদিৰ ৰাজধানী ৰিয়াদ বিমানবন্দৰত উপস্থিত হোৱাৰ পিছতে ৰাজনৈতিক পৰিক্ৰমা মন্ত্ৰী ড: চৌদ আল-ছাতীয়ে উস্ম আদৰণি জনায়।
মনকৰিবলগীয়া যে ইয়াৰ ১৭ এপ্ৰিলত ডোভালে ইউক্ৰেইনৰ ৰাষ্ট্ৰীয় নিৰাপত্তা আৰু প্ৰতিৰক্ষা পৰিষদৰ সচিব ৰুষ্টাম উমাৰভৰ সৈতে দীঘলীয়া কথা-বতৰা পাতিছিল। এই বৈঠকত পূব ইউৰোপত চলি থকা সংঘাতৰ মাজত নতুন দিল্লী আৰু কিয়ভৰ মাজত চলি থকা কৌশলগত আলোচনাৰ ওপৰত গুৰুত্ব আৰোপ কৰা হয়। বৈদেশিক মন্ত্ৰালয়ৰ মুখপাত্ৰ ৰণধীৰ জয়ছৱালৰ মতে, ইউক্ৰেইনৰ সৈতে হোৱা আলোচনাত দুয়োখন দেশৰ মাজৰ সম্পৰ্ক আৰু ৰাছিয়া-ইউক্ৰেইন বিবাদৰ ওপৰত গুৰুত্ব আৰোপ কৰা হৈছিল। আলোচনা আৰু কূটনীতিৰ জৰিয়তে শান্তিপূৰ্ণ সমাধানৰ বাবে ভাৰতে ধাৰাবাহিকভাৱে সমৰ্থন আগবঢ়াইছে। এই আলোচনাসমূহে ভাৰতৰ সক্ৰিয় কূটনৈতিক দৃষ্টিভংগীক প্ৰতিফলিত কৰে, যিয়ে আঞ্চলিক আৰু বিশ্বব্যাপী নিৰাপত্তাজনিত প্ৰত্যাহ্বানসমূহ মোকাবিলা কৰাত সহায় কৰে আৰু মূল আন্তঃৰাষ্ট্ৰীয় অংশীদাৰসকলৰ সৈতে সম্পৰ্ক শক্তিশালী কৰে।