২০২৬ বর্ষত সর্বাধিক ধন উপাৰ্জনকাৰী ভাৰতীয় অভিনেত্রীৰ তালিকাত কে’বাগৰাকীও বলিউড তাৰকাৰ নাম অন্তর্ভুক্ত হৈছে। সম্প্রতি বলিউডত সর্বাধিক পাৰিশ্রমিক গ্রহণ কৰা অভিনেত্ৰীগৰাকী হৈছে প্রিয়ংকা চোপ্রা।
সংবাদ মাধ্যমৰ বাতৰিত উল্লেখ কৰা অনুসৰি এছ এছ ৰাজামৌলীৰ ছবি ‘বাৰানসী’ত অভিনয়ৰ বাবদ প্রিয়ংকা ৩০ কোটি টকাৰ পাৰিশ্রমিক গ্রহণ কৰিলে। আন এখন ছবিৰ বাবে অভিনেত্ৰীগৰাকীয়ে ৪০ কোটি টকাৰ পাৰিশ্ৰমিক গ্রহণ কৰিছে।
প্রিয়ংকাই ‘চিটাডেল-২’ত অভিনয়ৰ বাবদ ৪০ কোটি টকা গ্রহণ কৰিলে। সর্বাধিক পাৰিশ্রমিক দাবী কৰা আন দুগৰাকী অভিনেত্রী হৈছে আলিয়া ভাট আৰু দীপিকা পাডুকন। দীপিকাই বর্তমানে প্রতিখন ছবিৰ বাবদ ৩০ কোটি টকাৰ পাৰিশ্রমিক গ্ৰহণ কৰে।
অল্প অর্জুনৰ ‘ৰাকা’ আৰু শ্বাহৰুখ খানৰ ‘কিং’ত অভিনয়ৰ বাবদ দীপিকাই ক্রমে ২৫ আৰু ৩০ কোটি টকাৰ পাবিশ্রমিক গ্রহণ কৰিছে। আলিয়া ভাটে প্রতি ছবিৰ বাবদ ৩০ কোটি টকাৰ পাৰিশ্রমিক গ্রহণ কৰে।
অৱশ্যে সঞ্জয় লীলা ভাঞ্চালীৰ ‘লাভ এন্ড বাব’ত অভিনয়ৰ বাবদ আলিয়াই মাত্র সাত কোটি টকাৰ পাৰিশ্রমিক লৈছে। এইখন ছবিৰ মুনাফাৰ অংশ লাভ কৰিব আলিয়াই। ‘স্ত্রী-২’ৰ সফলতাৰ পাছত শ্রদ্ধা কপুৰে নিজৰ পাৰিশ্রমিক ২৫ৰ পৰা ৩০ কোটি টকালৈ বৃদ্ধি কৰিলে।
আনহাতে, কেটৰিণা কেইফে বর্তমানে প্রতিখন ছবিত অভিনয়ৰ বাবদ ১৫-২১ কোটি টকাৰ পাৰিশ্রমিক গ্রহণ কৰে। একেদৰে কৰিণা কপুৰ খানৰ বৰ্তমানৰ পাৰিশ্রমিক হৈছে ১৮ কোটি টকা।