*লক্-ডাউনৰ মাজতে উৎপাদিত শস্য বিক্ৰী কৰিব নোৱাৰাৰ ফলত বাক্সা-বৰপেটাত কৃষকৰ হাহাকাৰ* 

এফালে লক্-ডাউনৰ বাবে স্তব্ধ জনজীৱন আনফালে উভৈনদী শস্য বিক্ৰী কৰিব নোৱাৰি কৃষকৰ হাহাকাৰ। প্ৰধানমন্ত্ৰীৰ লক্ ডাউনৰ নিৰ্দেশক দেশৰ জনতাই সমৰ্থন জনাইছে যদিও উৎপাদিত শস্য বিক্ৰী কৰিব নোৱাৰি মূৰে কপালে হাত দিছে কৃষক সমাজে। বাক্সা আৰু বৰপেটা জিলাৰ শ শ বিঘা কৃষিভূমিত বহু পৰিশ্ৰম কৰি আৰু ঋণ তথা সুদত টকা লৈ স্কোৱাজ, ৰঙালাও, বিলাহী, বেঙেনা, বন্ধাকবি, পানীলাও, জলকীয়া আদিৰ বিভিন্ন ধৰণৰ খেতি কৰিছিল কৃষকসকলে । কিন্তু লক্ ডাউনৰ বাবে সকলো বন্ধ হৈ পৰাত বজাৰলৈ বিক্ৰীৰ বাবে নিব পৰা নাই উৎপাদিত শস্যসমূহ আৰু ইয়াৰ ফলত পথাৰতে নষ্ট হ’বলৈ আৰম্ভ কৰিছে এই শস্যসমূহ। এই সন্দৰ্ভত জিলা দুখনৰ ভিন্ন প্ৰান্তৰ কৃষকসকলে চৰকাৰৰ যোগানবিভাগৰ হস্তক্ষেপ বিচাৰি কাতৰ আহ্বান জনাইছে।