ৰাজ্যত ১৩ এপ্ৰিলৰ পৰা খোলা হ’ব সুৰাৰ বিপনী

ৰাজ্যত পুনৰ ১৩ এপ্ৰিলৰ পৰা খোলা হ’ব সুৰাৰ বিপণীসমূহ ৷ পুৱা ১০ বজাৰ পৰা বিয়লি পাঁচ বজালৈকে খোলা থাকিব সুৰাৰ বিপণীসমূহ ৷ইফালে চৰকাৰৰ নিৰ্দেশানুযায়ী সামাজিক ব্যৱধান মানি চলিহে গ্ৰাহকে ক্ৰয় কৰিব পাৰিব সুৰা ৷ আনহাতে সুৰাৰ বিপনীসমূহত থাকিব লাগিব হেণ্ড ছেনিটাইজাৰ৷বিপনীসমূহত কৰ্মৰত লোকসকলে গ্ৰাহকক সুৰাৰ বটল,ধন আদান প্ৰদান কৰোতে হেণ্ড ছেনিটাইজাৰ ব্যৱহাৰ কৰিব লাগিব ৷ লগতে সুৰা বিপণীসমূহত কৰ্মৰতসকলৰ প্ৰতিও বিশেষ সতৰ্কতা অৱলম্বন কৰিবলৈ আহ্বান কৰিছে প্ৰশাসনে। বিপনীসমূহত কেৱল সুবিধা অনুযায়ীহে সীমিত সংখ্যক বিক্ৰেতাইহে কাম কৰিব পাৰিব ৷ উল্লেখযোগ্য যে কৰ’না ভাইৰাচক প্ৰতিৰোধ কৰিবলৈ কেন্দ্ৰীয় চৰকাৰে ২৪ মাৰ্চৰ পৰা দিয়া তলাবন্ধৰ কাৰণে ৰাজ্যৰ সুৰাৰ বিপনীসমূহ বন্ধ হৈ আছিল ৷