যৌন আবেদনময়ী বলিউদ অভিনেত্ৰী বিদ্যা বালনৰ নিখুঁত অভিনয়ে সকলোৰে হৃদয় জয় কৰে । ‘পৰিনীতা’ ৰ উল্লেখনীয় ভূমিকাৰ পৰা ‘ডাৰ্টি পিক্সাৰ’ৰ হট ছিল্ক, ‘তুম্হাৰী ছুলু’ৰ ছুলু চৰিত্ৰৰে দৰ্শকক আকৰ্ষণ কৰিবলৈ সক্ষম হোৱা বিদ্যা বালানে এইবাৰ অভিনয় কৰিছে বলিউদৰ নতুন বায়’পিক ‘শকুন্তলা দেৱী’ত । অহা ৩১জুলাইত ‘অটিটি প্লেটফৰ্ম’ ত মুক্তি পাব চলচ্চিত্ৰখনে । এইবাৰ অভিনেত্ৰী গৰাকীক কিছু বেলেগ ৰূপত দৰ্শকে দেখিবলৈ পাব । দেখা যায় যে বিদ্যা বালানে অভিনয় কৰা প্ৰতিখন চলচ্চিত্ৰতে তেওঁৰ চৰিত্ৰসমূহ অভিনয় যাদুৰে জীৱন্ত কৰি তোলে । প্ৰতিটো চৰিত্ৰ ভালকৈ বুজি পাবলৈ তেওঁ অশেষ কষ্টও কৰে ।
এইবাৰ এই চলচ্চিত্ৰ খনত শকুন্তলা দেৱীৰ চৰিত্ৰত অভিনয় কৰিছে বিদ্যা বালানে । বাস্তৱত শকুন্তলা দেৱী এগৰাকী গণিতজ্ঞ আছিল । তেঁওক ‘Human computer ‘ হিচাবে জনা যায় । বিদ্যা বালানেও এই চৰিত্ৰটোত প্ৰাণ ঢালি অভিনয় কৰিবলৈ চেষ্টা কৰিছে। খবৰ অনুসৰি, বিদ্যা বালানে শকুন্তলা দেৱীৰ আত্মীয়ক লগ কৰি শকুন্তলা দেৱীৰ গুণসমূহ গভীৰভাৱে জানিবলৈ, বুজিবলৈ ভালদৰে চেষ্টাও কৰিছে । যেতিয়াই বিদ্যা বালানে গম পালে শকুন্তলা দেৱীয়ে বাঁহীও বজাইছিল তাৰ পাছতে অভিনেত্ৰী গৰাকীয়ে বাঁহী বজোৱাৰো প্ৰশিক্ষণ লয় । ছ’চিয়েল মিডিয়াতো অভিনেত্ৰী গৰাকীয়ে বাঁহী বজোৱাৰ ভিডিঅ’ শ্বেয়াৰ কৰে । ইতিমধ্যে ছ’চিয়েল মিডিয়াতো চর্চা লাভ কৰিছে অভিনেত্ৰী গৰাকীৰ এই ভিডিঅ’য়ে ।
