চাবুৱাত কৰ’নাত আক্ৰান্ত হৈ মহিলাৰ মৃত্যু

চাবুৱাস্থিত টাটা ৰেফাৰেল হাস্পতালত কৰ’নাত আক্ৰান্ত এগৰাকী  ৰোগীৰ মৃত্যু হয় । চাবুৱাৰ টেঙাখাতৰ ইণ্ডিৰা ফুকন (৭০) নামৰ মহিলা গৰাকী লক্ষীমপুৰত থকা অৱস্থাত ব্ৰেইন ষ্ট্ৰ’ক হোৱাত ১৭ জুলাইত চাবুৱাৰ চিকিৎসালয় খনত ভৰ্তি কৰোৱা হৈছিল । ২১ জুলাইত লেলাউটি পৰীক্ষা কৰোৱাৰ পাছত কালি ফলাফল পজিটিভ অহাৰ পাছত সন্ধিয়া মৃত্যু হয় মহিলাগৰাকীৰ। মহিলাগৰাকীৰ ক’ভিড-১৯ৰ কোনো লক্ষণ নাছিল বুলি জানিব পৰা গৈছে | ইয়াৰ পাছতে মহিলা গৰাকীৰ চিকিৎসা আৰু পৰিচৰ্যা কৰা সকলো কৰ্মীসহ সংস্পৰ্শলৈ অহা ৭০ জনক জিলা স্বাস্থ্য বিভাগে নমুনা পৰীক্ষা কৰাৰ ব্যৱস্থা কৰিছে । ইতিমধ্যে চিকিৎসালয়খনৰ কে’বাটাও কক্ষ কণ্টেইনমেণ্ট জ’ন কৰা হৈছে।