Pressmeet at Dipankar Gogoi’s house by family and KMSS:তিতাবৰৰ দীপাংকৰ গগৈৰ মৃত্যুৰ গোচৰত উচ্চতম ন্যায়ালয়ে চি বি আইলৈ জাননীৰ পাছতে বিৰিণাশায়েকত সংবাদমেল কেএমএছএছৰ

Pressmeet at Dipankar Gogoi’s house by family and KMSS:

 দৈনিক অগ্ৰদূত ডিজিটেল ডেক্স:-তিতাবৰৰ দীপাংকৰ গগৈৰ মৃত্যুৰ গোচৰত উচ্চতম ন্যায়ালয়ে চি বি আইলৈ জাননী প্ৰেৰণ কৰাৰ পাছতে বিৰিণাশায়েকত আজি এখন সংবাদমেলৰ অনুষ্ঠিত কৰে ।

২০২৩ চনৰ ১৪ ডিচেম্বৰ তাৰিখে যোৰহাটৰ লিচুবাৰীস্থিত সেনা ছাউনীৰ সংঘটিত হোৱা বোমা বিস্ফোৰণৰ ঘটনাত আৰক্ষীৰ নিৰ্যাতন সহ্য কৰিব নোৱাৰি ২০২৩ চনৰ ২৬ ডিচেম্বৰত আত্মহননৰ পথ বাাছি লোৱা দীপাংকৰ গগৈৰ মৃত্যুৰ তদন্ত প্ৰক্ৰিয়াত উচ্চতম ন্যায়ালয়ৰ শেহতীয়া নিৰ্দেশনাই পৰিয়ালটোৰ মাজত ন্যায় ব্যৱস্থাৰ ওপৰত আশা বৃদ্ধি পাইছে।

আজি মৃত দীপাংকৰ গগৈৰ বায়েক ৰিমলী গগৈ শইকীয়া আৰু কৃষক মুক্তি সংগ্ৰাম সমিতিৰ সম্পাদক বিদ্যুত শইকীয়াই বিৰিণাশায়েকৰ ঘৰত যুটীয়া সংবাদমেল সম্বোধন কৰে। সংবাদমেলত উচ্চতম ন্যায়ালয়ৰ নিৰ্দেশনাক ধন্যবাদ জনাই অসম চৰকাৰৰ গৃহ বিভাগক সমালোচনাৰে থকাসৰকা কৰে I