ৰাজ্যৰ হাজাৰ হাজাৰ বিঘা ধান খেতিত অচিন পোকৰ সন্ত্ৰাস

ৰাজ্যত কৰ’নাৰ বিভীষিকা, বানৰ সংহাৰ মাজতে বিভিন্ন স্থানত বিঘাই বিঘাই অচিন পোকৰ আক্ৰমণৰ বাবে নষ্ট হৈ পৰিছে ধান খেতি ৷ বাক্সাৰ শালবাৰী মহকুমাৰ বৰটাৰী, উত্তৰবৰটাৰী, লচিমাটাৰী, সোনাফুলি, চাইতানগুৰি, লেছেৰাকে ধৰি বহু গাঁৱৰ খেতিপথাৰৰ বিঘাই বিঘাই ধান খেতিত অচিন পোকে সন্ত্ৰাসৰ সৃষ্টি কৰি জুৰুলা কৰি পেলাইছে খেতিয়কসকলক ৷

কৰ’নাৰ সংহাৰৰ পৰিপ্ৰেক্ষিতত ঔষধপাতি কিনিবলৈও আৰ্থিক সংকটত পৰা উপায়হীন খেতিয়কসকলে অৱশেষত এইক্ষেত্ৰত সহায়ৰ হাত আগবঢ়াবলৈ চৰকাৰক আহ্বান জনাইছে ৷