এডাল বিশেষ নেকলেচ । নেকলেচ ডালত লিখা আছে ‘VOTE’।সকলোৰে দৃষ্টি পৰিল সেই বিশেষ নেকলেচ ডালৰ ওপৰত । উল্লেখ্য যে প্ৰাক্তন মাৰ্কিন ৰাষ্ট্ৰপতি বাৰাক ওবামাৰ পত্নী মিছেল ওবামাই মাৰ্কিন যুক্তৰাষ্ট্ৰৰ পৰৱৰ্তী ৰাষ্ট্ৰপতি নিৰ্বাচনৰ সন্দৰ্ভত ভাৰ্চুৱেল ডেম’ক্ৰেটিক ৰাষ্ট্ৰীয় অভিৱৰ্তন সম্বোধন কৰিছিল । সেই সময়ত তেওঁ ডিঙিত এডাল নেকলেচ পিন্ধি আছিল । নেকলেচ ডালত লিখা আছিল ইংৰাজী আখৰেৰে ‘VOTE’ ।
ছ’চিয়েল মিডিয়াত ভাইৰেল হৈ পৰিছে মিছেল ওবামাৰ সেই বিশেষ নেকলেচ । বহুতে এই নেকলেচ ডাল পছন্দ কৰি বিভিন্ন মন্তব্যও আগবঢ়াইছে । কোনোৱে লিখিছে, ‘এই নেকলেচ ডাল এবাৰ পোৱা হ’লে । মই সদায় ডিঙিত পিন্ধিলোঁহেঁতেন ।’ মিছেল ওবামাই নিজৰ মনৰ বক্তব্য ভাষনেৰেও নহয় যেন ডিঙিৰ হাৰ ডালেৰেও বুজাইছিল ।
কোনোৱে লিখিছে, ‘আপোনাৰ শব্দৰ বাবে ধন্যবাদ মিছেল ওবামা । আপোনাৰ ভাষণ শুনাৰ খুবেই প্ৰয়োজনীয় আছিল । মই ইতিমধ্যে ‘vote’ নেকলেচ অৰ্ডাৰ দিলোৱে । তাৰ বাবেও ধন্যবাদ ।’ উল্লেখ্য যে মিছেল ওবামাই পিন্ধা এই নেকলেচডালৰ মূল্য ২৯৫ মাৰ্কিন ডলাৰ।
