নেশ্যনেল টেষ্টিং এজেন্সী(NTA )য়ে ঘোষণা কৰিলে JEE মেইন পৰীক্ষাৰ ফলাফল ।কৰ’না মহামাৰীৰ মাজত অনুষ্ঠিত হৈ ঘোষণা হোৱা এই পৰীক্ষাত ২৪ গৰাকী ছাত্ৰ ছাত্ৰীয়ে ১০০ শতাংশ নম্বৰ লাভ কৰিছে ৷
১০০ শতাংশ নম্বৰ লাভ কৰা ছাত্ৰ ছাত্ৰীসকলৰ ভিতৰত আছে তেলেংগানাৰ ৮ জন ,ৰাজধানী দিল্লীৰ ৫ জন,৪ জন ৰাজস্থানৰ,৩ জন অন্ধ্ৰপ্ৰদেশ আৰু ২ জন হৈছে হাৰিয়ানা আৰু গুজৰাট আৰু মহাৰাষ্ট্ৰৰ ১জন ।
কৰ’না ভাইৰাছৰ মাজতে বিভিন্ন বিতৰ্কৰ অৱসান ঘটাই ১ ৰ পৰা ৬ ছেপ্টেম্বৰলৈ অনুষ্ঠিত হৈছিল JEE. মহামাৰীৰ যাতে সংক্ৰমণ নহয় তাৰ প্ৰতি লক্ষ্য ৰাখি মাস্ক ,চেনিটাইজাৰ,হেণ্ড গ্ল’ৱছ বাধ্যতামূলক কৰিছিল পৰীক্ষাৰ কৰ্তৃপক্ষই।
JEE পৰীক্ষাৰ কাৰণে ৮.৫৮ লাখ ছাত্ৰ ছাত্ৰীয়ে নাম পঞ্জীয়ন কৰিছিল ৷ইয়াৰে ৭৪ শতাংশ পৰীক্ষাত অৱতীৰ্ণ হৈছিল।
JEE পৰীক্ষা অনুষ্ঠিত কৰাৰ সন্দৰ্ভত বিৰোধ কৰিছিল কংগ্ৰেছৰ অধ্যক্ষ ৰাহুল গান্ধীৰ লগতে বিৰোধী দলৰ মুখ্যমন্ত্ৰীসকলে ৷এই বিষয়টোৱে ইমানেই চৰ্চা লাভ কৰিছিল যে এই বিতৰ্কই উচ্চতম ন্যায়ালয়ৰ মজিয়া গৰকিছিল। পিছে উচ্চতম ন্যায়ালয়ে ছাত্ৰ ছাত্ৰীৰ শৈক্ষিক বৰ্ষৰ প্ৰতি লক্ষ্য ৰাখি পৰীক্ষা অনুষ্ঠিত কৰাৰ অনুমতি প্ৰদান কৰে ৷
