ডংকামোকামত অসম বিদ্যুৎ শক্তি বিতৰণ কোম্পানী লিমিটেডক ব্যক্তিকৰণৰ বিৰোধীতা

অসম বিদ্যুৎ শক্তি বিতৰণ কোম্পানী লিমিটেড (এপিডিচিএল)ক ব্যক্তিগত কোম্পানীৰ হাতত গতাই দিয়াৰ প্ৰতিবাদত আজি ডংকামোকামস্থিত বিদ্যুৎ বিভাগৰ সহকাৰী কাৰ্যবাহী অভিযন্তাৰ কাৰ্যালয়ত দিনজোৰা এক প্ৰতিবাদী কাৰ্যসূচী ৰূপায়ণ কৰে বিভাগটোৰ কৰ্মচাৰী সকলে ৷ পুৱা ১০ বজাৰ পৰা বিয়লি পাঁচ বজালৈ ৰূপায়ণ কৰা প্ৰতিবাদী কাৰ্যসূচীত পশ্চিম কাৰ্বি আংলং জিলাৰ ডংকামোকাম, বৈঠালাংছো আৰু উমপানাই বিদ্যুৎ বিভাগৰ উপ-সংমণ্ডলৰ বিষয়া-বৰ্গৰ লগতে কৰ্মচাৰী সকলে মিলিত হৈ দিনজোৰা প্ৰতিবাদী কাৰ্যসুচী ৰূপায়ণ কৰি বিভিন্ন শ্ল’গানেৰে কাৰ্যালয়টোত উত্তাল প্ৰতিবাদ সাব্যস্ত কৰে ৷