নুমলীগড়ৰ সমীপৱৰ্তী বৰচাপৰিত অচিনাক্ত বাহনৰ খুন্দাত থিতাতে নিহত এজন

বোকাখাত আৰক্ষী থানাৰ অধীনস্থ নুমলীগড়ৰ সমীপৱৰ্তী বৰচাপৰিৰ ৩৭ নম্বৰ ৰাষ্ট্ৰীয় পথত আজি পুৱা এখন অচিনাক্ত বাহনে খুন্দা মৰাৰ ফলত এজন যুৱক থিতাতে নিহত হয়।

বৰচাপৰিৰ নিবাসী শংকৰ ভূঞা(৩৫) নামৰ যুৱকজন কুৰুৱাবাহী তিনিআলি অভিমুখে আহি থকা অৱস্থাত এখন অচিনাক্ত বাহনে খুন্দা মাৰি পলায়ন কৰে আৰু যুৱকজন থিতাতে নিহত হয়।

ইয়াৰ পাছতে বোকাখাতৰ যান-বাহন শাখাৰ আৰক্ষী ঘটনাস্থলীত উপস্থিত হৈ মৃতদেহ মৰণোত্তৰ পৰীক্ষাৰ বাবে প্ৰেৰণ কৰে।