মাফিয়া কায়দাৰে একাংশ চোৰাং কাঠ ব্যৱসায়ীয়ে অব্যাহত ৰাখিছে চোৰাং কাঠৰ সৰবৰাহ । ইয়াৰ মাজতে বকোত বন বিভাগৰ অভিযান ।
নিশা অভিযান চলাইছিল বকোস্থিত শিংৰা বন বিভাগে । অভিযানত কাঠ ভৰ্তি নাম্বাৰ প্লেট বিহীন এখন টাটা ডিআই জব্দ আৰু চালক ফাৰুক আলীক আটক ।
বনবিভাগৰ সূত্ৰ মতে, মেঘালয় দিশৰ পৰা সৰবৰাহ কৰা হৈছিল কাঠৰ কুণ্ডাসমূহ । চোৰাং কাঠ বেপাৰী বাছুৰ আলীয়ে সৰবৰাহ কৰিছিল কাঠৰ কুণ্ডাখিনি ।
উল্লেখ্য, বন বিভাগৰ চকুত ধূলি দিবলৈ চোৰাং কাঠ বেপাৰীসকলে এটা নিশাত পাঁচশ টকা হাজিৰাৰে নিয়োগ কৰে খবৰদাতাসলক । খবৰদাতাসকলে ওৰে নিশা বকো ১৭নং ৰাষ্টীয় ঘাইপথৰ তিনিআলি অথবা চাৰিআলিত তহল দি বন বিভাগৰ গতি-বিধি লক্ষ্য কৰে । পলে পলে বন বিভাগৰ গতি-বিধি উমান লৈ অনায়াসে চোৰাং কাঠ ব্যৱসায়ীয়ে চলাই গৈছে চোৰাং কাঠৰ বেহা।