পাঁচ ৰাজ্যৰ পৰা পশ্চিমবংগ আহিলে বিমানযাত্ৰীৰ কৰ’নাৰ আৰটি-পিচিআৰ পৰীক্ষা কৰাটো বাধ্যতামূলক কৰিছে ৰাজ্য চৰকাৰে।
তথ্য অনুসৰি দিল্লী, উত্তৰ প্ৰদেশ, মধ্য প্ৰদেশ, গুজৰাট আৰু ছত্তীশগড়ৰ পৰা বিমানযোগে কলকাতা বা ৰাজ্যৰ যিকোনো বিমানবন্দৰত অৱতৰণ কৰিলে দেখুৱাব লাগিব কৰ’নাৰ আৰটি-পিচিআৰ টেষ্টৰ নিগেটিভ ৰিপৰ্ট ।
ইয়াৰ পূৰ্বে, ৰাজ্য চৰকাৰে মহাৰাষ্ট্ৰ, কেৰালা, কৰ্ণাটক আৰু তেলেংগানাৰ পৰা কলকাতালৈ যোৱা বিমান যাত্ৰীসকলৰ বাবে কৰ’না আৰটি-পিচিআৰ পৰীক্ষা বাধ্যতামূলক কৰিছিল৷ ২৬ এপ্ৰিলৰ পৰা আৰু পাঁচখন ৰাজ্য ইয়াত যোগদান কৰা হৈছে৷
নিৰ্দেশনা জাৰী কৰা প্ৰতিখন ৰাজ্যতে কৰ’না পৰিস্থিতি যথেষ্ট বেয়া৷ যিহেতু এই ৰাজ্যতো কৰ’না ৰোগীৰ সংখ্যা উদ্বেগজনক হাৰত বৃদ্ধি পাইছে, ৰাজ্য চৰকাৰে এনে কঠোৰ পদক্ষেপ লবলৈ বাধ্য হৈছে কিয়নো ৰাজ্যখনত দৈনিক কৰ’না ৰোগীৰ সংখ্যা প্ৰায় ১৩হেজাৰলৈ উপনীত হৈছে ৷
