ন’ভেল কৰ’না ভাইৰাছত সংক্ৰমিত দিল্লীৰ লেফটেনেন্ট গভৰ্নৰ অনিল বৈজল । শুকুৰবাৰে তেওঁ টুইট কৰি নিজৰ সংক্ৰমণৰ বিষয়ে জনায় । টুইটত লিখে, সামান্য উপসৰ্গ আছে যদিও সম্প্ৰতি গৃহ কোৱাৰেণ্টাইনত আছো । তেওঁ গৃহত থাকিয়ে দিল্লীৰ কৰ’না পৰিস্থিতি নিৰীক্ষণ কৰিব ।
আজি টুইট কৰি বৈজলে লিখে, ‘মোৰ কৰ’না পৰীক্ষাৰ ৰিপ’ৰ্ট পজিটিভ আহিছে । সামান্য উপসৰ্গ আছে । মই নিজকে কোৱাৰেণ্টাইন কৰিছো । যিসকলে মোৰ সংস্পৰ্শত আহিছিল তেওঁলোক সকলোৰে ক’ভিড পৰীক্ষণ কৰা হৈছে । সম্প্ৰতি গৃহত থাকিয়ে মই দিল্লীৰ ক’ভিড পৰিস্থিতিৰ নিৰীক্ষণ কৰিম ।’
I have tested positive for COVID with mild symptoms.
Have isolated myself since the onset of symptoms and all those who were in contact with me have been tested.
Will continue to function and monitor the situation in Delhi from my residence.— LG Delhi (@LtGovDelhi) April 30, 2021
দিল্লীৰ বৰ্ধিত কৰ’না সংক্ৰমণ আৰু অক্সিজেন নাটনিৰ পৰিস্থিতি সন্দৰ্ভত বিগত কিছুদিন ধৰি একাধিক প্ৰশাসনিক বৈঠক কৰিছে বৈজলে । দিল্লীত যোৱা ১৯ এপ্ৰিলত তলাবন্ধ ঘোষণা কৰাৰ দুদিন পূৰ্বে তেওঁ মুখ্যমন্ত্ৰী অৰবিন্দ কেজৰিৱালৰ স’তে বৈঠকত মিলিত হৈছিল । দিল্লীসহ সমগ্ৰ দেশতে বৰ্ধিত সংক্ৰমণৰ প্ৰতি লক্ষ্য ৰাখি প্ৰত্যেককে সাৱধানতা অৱলম্বন কৰিবৰ বাবে পৰামৰ্শ দিয়ে বৈজলে ।
