শ্ৰীৰামপুৰত উপস্থিত মুখ্যমন্ত্ৰী ড° হিমন্ত বিশ্ব শৰ্মা

অসম-বংগ সীমান্তৱৰ্তী শ্ৰীৰামপুৰত উপস্থিত মুখ্যমন্ত্ৰী ড° হিমন্ত বিশ্ব শৰ্মা। পুৱা ৯-৫০ বজাতে শ্ৰীৰামপুৰত উপস্থিত হয় মুখ্যমন্ত্ৰীগৰাকী । শ্ৰীৰামপুৰত উপস্থিত হৈ ক’ভিড-১৯ পৰীক্ষা কেন্দ্ৰ পৰ্যবেক্ষন কৰে । ক’ভিড যোদ্ধা স্বাস্থ্য কৰ্মী, প্ৰশাসনৰ লগত মত বিনিময় কৰে মুখ্যমন্ত্ৰীয়ে।

বহি:ৰাজ্যৰ পৰা অহা ব্যক্তিগত বাহনৰ যাত্ৰী আৰু মালবাহী বাহনৰ চালক আৰু সহ চালকৰ ক’ভিড পৰীক্ষা কেন্দ্ৰৰ বুজ লয় মুখ্যমন্ত্ৰী শৰ্মাই । তেওঁৰ লগত থাকে স্বাস্থ্যমন্ত্ৰী কেশৱ মহন্ত, বিটিচি প্ৰধান প্ৰমোদ বড়ো ৷

পুনৰ ১০ দিনৰ বাবে সান্ধ্য আইন বঢ়াই দিয়া হয়। চহৰ/নগৰ অঞ্চলত দিনৰ ১২ বজাৰ পৰা ৰাতিপুৱা পাঁচ বজালৈ আৰু গাঁও অঞ্চলত বিয়লি দুই বজাৰ পৰা ৰাতিপুৱা পাঁচ বজালৈ সান্ধ্য আইন বঢ়াই দিয়া বুলি সংবাদ মাধ্যমৰ আগত সদৰী কৰে মুখ্যমন্ত্রীগৰাকীয়ে।