ধুনীয়া চৰাইবোৰে সিঁহতৰ মিঠা মাতেৰে আমাৰ ৰাতিপুৱাবোৰ সদায় সতেজ কৰি তুলি, কিন্তু আমি জানো নে এই প্ৰাণীবোৰৰ কিমানবিধ পৃথিৱীত বাস কৰে ?
শেহতীয়া এক অধ্যয়নত বিশ্বৰ মুঠ চৰাইৰ সংখ্যা ৫০ বিলিয়নতকৈও অধিক বুলি গণনা কৰা হৈছে । সকলো মানৱ বাসিন্দাতকৈ প্ৰায় ছয় গুণ অধিক, ৭.৮ বিলিয়ন ।
এমু আৰু পেংগুইনৰ দৰে উৰণহীন চৰাইকে ধৰি ন হেজাৰ ৭০০ টা জ্ঞাত প্ৰজাতিৰ এভিয়ান প্ৰাণীৰ প্ৰতিটোৰ বাবে চৰাইৰ সংখ্যা বিশ্লেষণ কৰি এই ফলাফলবোৰ গণনা কৰা হৈছিল। এই তথ্যজীৱিত মুঠ চৰাইৰ জনসংখ্যাৰ ৯২ শতাংশ । এই অধ্যয়নটো অষ্ট্ৰেলিয়াৰ চিডনীত নিউ চাউথ ৱেলছ বিশ্ববিদ্যালয়ৰ (ইউএনএছডব্লিউ) গৱেষকসকলে পৰিচালনা কৰিছিল ।
“মানুহে আমাৰ নিজৰ প্ৰজাতিৰ সদস্যসকলক গণনা কৰিবলৈ যথেষ্ট পৰিশ্ৰম কৰিছে- আমাৰ সংখ্যা হৈছে ৭.৮ বিলিয়ন । ইউএনএছডব্লিউ বিজ্ঞানৰ এজন পৰিস্থিতিবিদ আৰু অধ্যয়নটোৰ সহ-জ্যেষ্ঠ লেখক অধ্যাপক উইল কৰ্ণৱেলে কয়, “আন প্ৰজাতি গণনা কৰা এইটো প্ৰথম ব্যাপক প্ৰচেষ্টা ।”
মুখ্য লেখক ডঃ কোৰী কেলাঘানে কয় যে, চৰাইৰ এই বৃহৎ পৰিমাণৰ তথ্য একত্ৰীকৰণে আন গুৰুত্বপূৰ্ণ জন্তুৰ জনসংখ্যা গণনাৰ বাবে এক ব্লুপ্ৰিণ্ট হিচাপে কাম কৰিব পাৰে ।
বৃহৎ সংখ্যক চৰাইৰ প্ৰজাতিয়ে এক বিলিয়ন অতিক্ৰম কৰিছে তাৰ ভিতৰত ১.৬ বিলিয়ন হাউচ স্পেৰো, ১.৩ বিলিয়ন ইউৰোপীয় ষ্টাৰলিং, ১.২ বিলিয়ন ৰিং আৰু বাৰ্ণ ছোৱেল’ ১.১ বিলিয়ন । আনহাতে, বিশ্বব্যাপী ১২ শতাংশ চৰাইৰ প্ৰজাতিৰ পাঁচ হেজাৰতকৈও কম গণনা কৰা হৈছে । এই প্ৰজাতিবোৰ হৈছে চীনা ক্ৰেষ্টেড টাৰ্ণ, নইচি স্ক্ৰাব-বাৰ্ড আৰু ইনভিজিবল ৰেল।
অধ্যাপক কৰ্ণৱেলে কয় যে, তেওঁলোকে পাঁচ বা ১০ বছৰৰ ভিতৰত আন এটা লোকপিয়ল কৰি এই প্ৰজাতিবোৰ কেনেদৰে পৰিচালিত হ’ব ক’ব পাৰিব আৰু যদি সিঁহতৰ পৰিসংখ্যা হ্ৰাস পায়, ই আমাৰ পৰিস্থিতিতন্ত্ৰৰ বাবে এক বিপজ্জনক পৰিস্থিতি হ’ব পাৰে ।
এই অনুসন্ধানবোৰে অষ্ট্ৰেলিয়াৰ বিৰল চৰাইৰ প্ৰজাতি যেনে ব্লেক-ব্ৰেষ্টেড বুটামকোৱেলৰ এক বৃহৎ অংশ হ্ৰাসৰ ইংগিত দিছিল আৰু এতিয়া তাৰে মাত্ৰ এশবিধ পৃথিৱীত বাকী আছে । অধ্যয়নটোত, লাখতকৈও অধিক নাগৰিক বিজ্ঞানীৰ পৰা তথ্য লোৱা হৈছিল, তেওঁলোকে ২০১০ আৰু ২০১৯ ৰ ভিতৰত ই-বাৰ্ড ডাটাছেটত তেওঁলোকৰ দৰ্শন যোগ দিছিল ।
