কৰ’নাৰ বিৰুদ্ধে বাবা ৰামদেৱৰ পতঞ্জলিৰ কৰ’নিল কিমান কাৰ্যকৰী এই পৰ্যন্ত ইয়াৰ কোনো প্ৰমাণ লাভ কৰা নাই । এই যুক্তিতে কৰ’নিলৰ বিক্ৰী বন্ধ কৰিলে নেপাল চৰকাৰে ।
সূত্ৰ অনুসৰি, নেপালৰ ডিপাৰ্টমেণ্ট অৱ আয়ুৰ্বেদ এণ্ড অল্টাৰনেটিভ মেডিচিনছে এক নিৰ্দেশনাত জনাইছে, নেপালত কৰ’নিলৰ ১৫ শ টা কিট প্ৰেৰণ কৰাৰ ক্ষেত্ৰত নিৰ্দিষ্ট নিয়ম পালন কৰা নাই । এই ঔষধ নেপালত উপহাৰ হিচাপে প্ৰেৰণ কৰা হৈছিল ।
নেপালৰ স্বাস্থ্য মন্ত্ৰণালয়ে জনায়, পতঞ্জলিৰ সামগ্ৰীৰ ওপৰত নিষেধাজ্ঞা জাৰি কৰা নাই । নেপাল চৰকাৰৰ এজন মুখপাত্ৰই জনায়, ‘নেপাল চৰকাৰে এতিয়াই পতঞ্জলিৰ আয়ুৰ্বেদিক ঔষধ কৰ’নিল নিষিদ্ধ কৰাৰ সিদ্ধান্ত গ্ৰহণ কৰা নাই । কিন্তু সম্প্ৰতি বিক্ৰী বন্ধ থাকিব ।’
নেপালৰ আগতে ভূটান চৰকাৰেও কৰ’নিল বিক্ৰীৰ ওপৰত নিষেধাজ্ঞা জাৰি কৰিছে । ভূটানৰ ড্ৰাগ ৰেগোলেটৰী অথৰিটীয়ে এই সিদ্ধান্ত গ্ৰহণ কৰে ।
