আজি বলীউডৰ অভিনেতা সুশান্ত সিং ৰাজপুতৰ প্ৰথম মৃত্যু বাৰ্ষিকী । অভিনেতাজনৰ অনুৰাগী চিৰাং জিলাৰ বাসুগাঁৱৰ ছাত্ৰ সৌৰভ মণ্ডলে সুশান্তৰ শ্ৰদ্ধাঞ্জলি হিচাপে ৩১ হেজাৰ গজাল পিনেৰে ছবি অংকন কৰে । প্লাই বোৰ্ডত গজাল পিন খুচি সুশান্তৰ ছবি অঁকা সৌৰভ ত্ৰিপুৰা ইউনিভাৰ্ছিটিৰ এম কমৰ চূড়ান্ত বৰ্ষৰ ছাত্ৰ । নিজৰ পঢ়া-শুনাৰ লগে লগে ছবি অংকন কৰি আছে ।
প্ৰতিদিনে পাঁচ ঘন্টাকৈ কাম কৰি আঠ দিন ৪০ ঘন্টাত সম্পূৰ্ণ কৰি তুলিছে এই ছবি । কোনো ধৰণৰ আনুষ্ঠানিক শিক্ষা নোহোৱাকৈ স্কেচ্ পেইন্টিং কৰাৰ পাছত মাউথ পেইন্টিং কৰিছিল । তেওঁ মাউথ পেইন্টিং কৰি মুখ্যমন্ত্ৰী হিমন্ত বিশ্ব শৰ্মাৰ ছবি আঁকি শুভেচ্ছা লাভ কৰিছিল । সৌৰভে ইণ্ডিয়া বুক অৱ ৰেকৰ্ডছ(এক্সট্ৰা অৰ্ডিনাৰী আৰ্টিষ্ট)ত নাম সন্নিৱিষ্ট কৰাৰ লগতে এছিয়া বুক অৱ ৰেকৰ্ডছ( গ্ৰেণ্ড মাষ্টাৰ) পুৰষ্কাৰ লাভ কৰিবলৈ সক্ষম হৈছিল । এতিয়া টাৰ্গেট বিশ্ব ৰেকৰ্ড কৰাৰ বুলি জনায় সৌৰভে ।
চিৰাং জিলাৰ বাসুগাঁও চহৰৰ পৰা নিজৰ প্ৰতিভাৰে বিভিন্ন কৌশলেৰে ছবি আঁকি বিভিন্ন জনৰ শলাগ ল’বলৈ সক্ষম হৈছে ছাত্ৰজনে ।