চিবিএছই আৰু আইচিএছইৰ দ্বাদশ শ্ৰেণীৰ পৰীক্ষা বাতিলৰ গোচৰৰ শুনানি মংগলবাৰ পৰ্যন্ত স্থগিত কৰিলে উচ্চতম ন্যায়ালয়ে । সোমবাৰে ন্যায়াধীশ এএম খানৱিলকৰ আৰু ডিনেশ মহেশ্বৰীৰ অৱসৰকালীন বেঞ্চত এই গোচৰত শুনানি হয় । এই দুই ব’ৰ্ডৰ উপস্থিতিত পৰীক্ষা বাতিল কৰাৰ সিদ্ধান্তক প্ৰত্যাহ্বান জনাই শীৰ্ষ ন্যায়ালয়ত লিখিত হলফনামা দাখিল কৰা হৈছিল । তাৰ ভিত্তিতেই শুনানি ।
ন্যায়ালয়ত পৰীক্ষা অনুষ্ঠিত কৰাৰ দাবীত আবেদনকাৰীৰ পক্ষৰ পৰা অধিবক্তা বিকাশ সিঙে কে’বাটাও প্ৰস্তাৱ দিয়ে । তেওঁ কয়, চিবিএছই আৰু আইচিএছইৰ মূল্যায়ন পদ্ধতি একেই হ’ব লাগে । যি সম্প্ৰতি পৃথক । তদুপৰি ফলাফল নিৰ্ধাৰণৰ ক্ষেত্ৰত সাম্প্ৰতিক কালত শিক্ষাৰ্থীসকলৰ পৰিৱেশনৰ ওপৰত নিৰ্ভৰ কৰাৰ প্ৰস্তাৱ দিয়ে ।
বিকাশৰ যুক্তি দেশত ক’ভিড আক্ৰান্তৰ সংখ্যা হ্ৰাস পাইছে । বিকল্প মূল্যায়ন পদ্ধতি জটিল বুলিও মত প্ৰকাশ কৰে তেওঁ । ন্যায়াধীশসকলে বিকাশক প্ৰত্যুত্তৰত কয়, ‘চিবিএছই আৰু আইচিএছই একেই নহয় । আপেল আৰু কমলা একেই নহয় ।’ তেওঁলোকে এইটোও কয়, ‘শিক্ষাৰ্থীসকলে আশাৰ কিৰণ বিচাৰে, অনিশ্চয়তা নহয় ।’
দ্বাদশ শ্ৰেণীৰ পৰীক্ষা বাতিলৰ দাবীত শীৰ্ষ ন্যায়ালয়ত এহেজাৰ ১৫২ গৰাকী শিক্ষাৰ্থীয়ে গোচৰ দাখিল কৰিছে । ইয়াৰে ভিতৰত আছে বেচৰকাৰী সংস্থাৰ পৰা চিবিএছই পৰীক্ষা দিয়া বা পূৰ্বৰ পৰীক্ষাত বিফল হোৱা পৰীক্ষাৰ্থীসকল । এই গোচৰ গ্ৰহণ কৰিছে ন্যায়ালয়ে । বেঞ্চে জনায়, আবেদনত উল্লেখ কৰা বিষয়সমূহত মংগলবাৰে শুনানি কৰা হ’ব ।
