PM Modi-Inspired Film:✒️তেওঁ প্ৰেৰণাৰ উৎস! প্ৰধানমন্ত্ৰী নৰেন্দ্ৰ মোডীৰ জীৱনৰ ওপৰত আধাৰিত এখন ছবি চৰকাৰী বিদ্যালয়ত ১৭ দিনৰ বাবে প্ৰদৰ্শিত হ’ব।একেলগে চিবিএছই, কেন্দ্ৰীয় বিদ্যালয় সংগঠন আৰু নৱোদয় বিদ্যালয় সমিতিলৈ নিৰ্দেশনা প্ৰেৰণ কৰিছে কেন্দ্ৰই।
এই নিৰ্দেশ অনুসৰি ১৬ ছেপ্টেম্বৰৰ পৰা দুই অক্টোবৰলৈ সেই ব’ৰ্ডৰ অধীনৰ সকলো বিদ্যালয়তে ‘Chalo Jeete Hai’ ছবিখন প্ৰদৰ্শন কৰিব লাগিব। ছবিখনত প্ৰধানমন্ত্ৰীৰ শৈশৱৰ বিভিন্ন ঘটনাৰ তুলি ধৰা হৈছে।
কেন্দ্ৰীয় শিক্ষা মন্ত্ৰালয়ৰ এই নিৰ্দেশনা যোৱা ১১ ছেপ্টেম্বৰত চিবিএছই, কেন্দ্ৰীয় বিদ্যালয় সংগঠন আৰু নৱোদয় বিদ্যালয় সমিতিৰ হাতত পৰে।
নিৰ্দেশনাত উল্লেখ কৰা হৈছে যে ১৬ ছেপ্টেম্বৰৰ পৰা দুই অক্টোবৰলৈ বিদ্যালয়ত প্ৰদৰ্শিত হ’ব ‘Chalo Jeete Hai’ চুটি ছবি।
কেন্দ্ৰৰ নিৰ্দেশনাত কোৱা হৈছে যে, “এই ছবিখনে ছাত্ৰ-ছাত্ৰীক অনুপ্ৰাণিত কৰিব। এই ছবিখনে তেওঁলোকক চৰিত্ৰ গঠন, সেৱা, আৰু দায়িত্বৰ বিষয়ে চিন্তা কৰিবলৈ শিকাব। ইয়াৰ উপৰিও ই সামাজিক-মনোবিজ্ঞানসন্মত শিক্ষা, সহানুভূতি, আৰু আত্ম-প্ৰতিফলনত সহায় কৰিব।”
দৰাচলতে প্ৰধানমন্ত্ৰীৰ জন্মদিন উপলক্ষে বুধবাৰৰ পৰা কেন্দ্ৰই ‘প্ৰেৰনা’ নামৰ এক শিক্ষামূলক অভিযান আৰম্ভ কৰিছে। ‘প্ৰেৰনা’ অভিযানৰ অন্যতম অংশ হ’ল ‘Chalo Jeete Hai’ ছবিখনৰ প্ৰদৰ্শন।
ছবিখনৰ প্ৰযোজকসকলৰ দাবী,বিবেকানন্দৰ আদৰ্শক প্ৰচাৰৰ বাবে নিৰ্মাণ কৰা হৈছে এই ছবি ।
এই ছবিখন চাই ছাত্ৰ-ছাত্ৰীসকলে মূল্যবোধ শিকিব। অৱশ্যে সমালোচকসকলে কয় যে সমগ্ৰ ছবিখন প্ৰধানমন্ত্ৰী নৰেন্দ্ৰ মোডীৰ জীৱনৰ ওপৰত। ১৭ ছেপ্টেম্বৰৰ পৰা দুই অক্টোবৰলৈ দেশৰ বিভিন্ন চিনেমা হলত প্ৰদৰ্শিত হ’বলগীয়া এই ছবিখনে ইতিমধ্যে শ্ৰেষ্ঠ নন-ফিচাৰ শাখাত ৰাষ্ট্ৰীয় বঁটা লাভ কৰিছে।
বিদ্যালয়ত এই ছবিখন প্ৰদৰ্শনৰ গাইডলাইনে ইতিমধ্যে বিতৰ্কৰ সৃষ্টি কৰিছে। বিৰোধীয়ে দাবী কৰিছে যে মোডীৰ দিনত ইতিমধ্যে শিক্ষাক অপৰাধমুক্ত কৰা হৈছে। এতিয়া আত্মপ্ৰচাৰৰ বাবে চৰকাৰী শিক্ষা ব্যৱস্থা ব্যৱহাৰ কৰাত ব্যস্ত মোডী।