অধ্যয়নৰ ভিত্তিত কলকাতা বিশ্ববিদ্যালয়ে দেশৰ দ্বিতীয় বিশ্ববিদ্যালয়ৰ খিতাপ লাভ কৰে। ২০২১ চনৰ বিশ্ব বিশ্ববিদ্যালয়ৰ একাডেমিক ৰেংকিঙৰ তালিকা অনুসৰি, কলিকতা বিশ্ববিদ্যালয় দেশৰ ভিতৰত দ্বিতীয় স্থানত আছে।
মুখ্যমন্ত্ৰী মমতা বেনাৰ্জীয়ে টুইট যোগে কলিকতা বিশ্ববিদ্যালয়ৰ সকলো শিক্ষক, শিক্ষাৰ্থী আৰু অন্যান্য কৰ্মচাৰীলৈ শুভেচ্ছা জ্ঞাপন কৰে। প্ৰতি বছৰে, এ.আৰ.ডব্লিউ.ইউ.-য়ে শিক্ষাৰ স’তে সম্পৰ্কিত বিশ্বজুৰি কমেও এক হেজাৰ বিশ্ববিদ্যালয় আৰু প্ৰতিষ্ঠানৰ স’তে সমীক্ষা চলায়। এইবাৰ সেই অধ্যয়নত এনে ফলাফল ওলাইছে।
তেওঁলোকে প্ৰকাশ কৰা তালিকাখনে দেখা গৈছে যে কলিকতা বিশ্ববিদ্যালয়ে দেশৰ প্ৰায় সকলো বিশ্ববিদ্যালয়ক অতিক্ৰম কৰিছে আৰু ৰাষ্ট্ৰীয় পৰ্যায়ত দ্বিতীয় স্থানলৈ আগবাঢ়িছে।
কিন্তু দেশৰ ভিতৰত বেংগালুৰুৰ ভাৰতীয় বিজ্ঞান প্ৰতিষ্ঠানৰ পাছত কলকাতা বিশ্ববিদ্যালয় আছে। দেশৰ কলিকতা বিশ্ববিদ্যালয়ৰ পাছত, বেনাৰস হিন্দু বিশ্ববিদ্যালয়ৰ নাম আছে। তাৰ পাছত ভাৰতীয় প্ৰযুক্তিবিদ্যা প্ৰতিষ্ঠান দিল্লীৰ নাম। দেশৰ পঞ্চমস্থান হৈছে আইআইটি, ষষ্ঠ আইআইটি মাদ্ৰাজ, সপ্তম জৱাহৰলাল নেহৰু বিশ্ববিদ্যালয়, অষ্টম দিল্লী বিশ্ববিদ্যালয়, নৱম সৰ্বভাৰতীয় চিকিৎসা বিজ্ঞান প্ৰতিষ্ঠান আৰু দশম স্থান হৈছে ভেলোৰ ইনষ্টিটিউট অৱ টেকন’লজী।
২০২১ বৰ্ষৰ বিশ্ব বিদ্যালয়ৰ একাডেমিক ৰেংকিঙৰ এই তালিকা অনুসৰি হাৰ্ভাৰ্ড বিশ্ববিদ্যালয় বিশ্বৰ ভিতৰত প্ৰথম স্থানত, ষ্টেনফৰ্ড বিশ্ববিদ্যালয় দ্বিতীয় আৰু কেমব্ৰিজ বিশ্ববিদ্যালয় তৃতীয় স্থানত আছে। এই তিনিখন বিশ্ববিদ্যালয়ৰ উপৰিও শীৰ্ষ দহখনবিশ্ববিদ্যালয়ৰ ভিতৰত আছে কেলিফৰ্নিয়া বিশ্ববিদ্যালয়, প্ৰিন্সটন, অক্সফৰ্ড, কলম্বিয়া বিশ্ববিদ্যালয়, কেলিফৰ্নিয়া ইনষ্টিটিউট অৱ টেকন’লজী, চিকাগো বিশ্ববিদ্যালয়। অৱশ্যে, তালিকাঅনুসৰি,কলিকতা বিশ্ববিদ্যালয়ৰ অৱস্থান যথেষ্ট নিম্ন।
