ব্যক্তিগত শিক্ষানুস্থানৰ শিক্ষা আৰু ব্যৱস্থাৰ স’তে খোজত খোজ মিলাই আগবাঢ়িবলৈ চৰকাৰী প্ৰাইমাৰী পৰ্যায়ৰ বিদ্যালয়সমূহৰ আন্ত:গাঁথনি উন্নত হ’ব লাগিব । এই ক্ষেত্ৰত ৰাভা হাছং স্বায়ত্ব শাসিত পৰিষদে বকো সমষ্টিত প্ৰাইমাৰী পৰ্যায়ত ১০০খন শিক্ষানুষ্ঠানত আদৰ্শ শ্ৰেণী কোঠা নিৰ্মাণৰ কাম হাতত লয় । একেদৰে মহাবিদ্যালয় আৰু হায়াৰ ছেকেণ্ডেৰী সমূহত ছাত্ৰ-ছাত্ৰীৰ জিৰণি কোঠা, হোষ্টেল, জনগোষ্ঠীয় ভাষাসমূহ শিকাৰ বাবে শিক্ষক প্ৰশিক্ষণ কেন্দ্ৰ আৰম্ভ কৰাৰ প্ৰক্ৰিয়া হাতত লৈছে । আদৰ্শ শ্ৰেণী কোঠাৰ উদ্ধোধন কৰে ৰাভা হাছং স্বায়ত্ব শাসিত পৰিষদৰ মুখ্য কাৰ্যবাহী সদস্য টংকেশ্বৰ ৰাভাই ।
প্ৰথম পৰ্যায়ত ৰাভা হাছং স্বায়ত্ত শাসিত পৰিষদৰ অন্তৰ্গত বকো জৱাহৰলাল নেহেৰু মহাবিদ্যালয়ৰ ছাত্ৰী জিৰণি কোঠা আৰু জাৰিহাট, বন্দাপাৰা, বকো, হাহিম পৰিষদীয় সমষ্টিৰ জাৰিহাট এম ই স্কুল, গাধফুটা প্ৰাথমিক বিদ্যালয়, বন্দাপাৰা প্ৰাথমিক বিদ্যালয়, খাহিপাৰা প্ৰাথমিক বিদ্যালয়, লালমাটি প্ৰাথমিক বিদ্যালয়, আউনীহাটী প্ৰাথমিক বিদ্যালয়ত আদৰ্শ শ্ৰেণী কোঠাৰ উদ্ধোধন কৰা হয় ।
আদৰ্শ শ্ৰেণী কোঠাসমূহত ষ্টিলৰ ডেস্ক বেঞ্চ, ষ্টিলৰ আলমাৰী, ৰানিং ৱাটাৰৰ লগতে প্ৰধান শিক্ষকসকল বহিব পৰাকৈ সুন্দৰ পৰিৱেশৰ ব্যৱস্থা কৰা হৈছে ।
