জি-২০ শীর্ষ সন্মিলনত যোগ দিবৰ বাবে ইটালী ভ্ৰমণত গ’ল প্রধানমন্ত্রী নৰেন্দ্র মোদী । শুকুৰবাৰে পুৱা তেওঁ ৰোমত উপস্থিত হয় ।
ইটালীত ভাৰতৰ ৰাষ্ট্রদূত নিনা মালহোত্রাই জনাইছে, শুকুৰবাৰে সন্ধিয়া ৩:৩০ বজাত ইটালীৰ ৰাজধানীত মোহনদাস কর্মচন্দ গান্ধীৰ মূর্তি পৰিদর্শন কৰিব প্রধানমন্ত্রীয়ে । পাছত ইটালীৰ প্রধানমন্ত্রী মাৰিঅ’ দ্রাঘিৰ স’তে দ্বিপাক্ষিক বৈঠকত অংশ গ্ৰহণ কৰিব । তিনি দিনৰ ভ্ৰমণত ভেটিকানতো যোৱাৰ পৰিকল্পনা আছে তেওঁৰ ।
জি-২০ শীর্ষ সন্মিলনত যোগ দিবলৈ ৰোমত ৰাওনা হোৱাৰ আগতে প্রধানমন্ত্রী মোদীয়ে কয়, ‘‘অতিমাৰী পৰিস্থিতিত আঘাতপ্রাপ্ত বিশ্ব অর্থনীতিৰ অৱস্থা পুনৰ ঘূৰাই অনাৰ বিষয়টো সম্প্ৰতি আটাইতকৈ গুৰুত্বপূর্ণ ।’’ বৈদেশিক মন্ত্রণালয় সূত্রে খবৰ, এইবাৰৰ জি-২০ শীর্ষ সন্মিলনত আফগানিস্তান পৰিস্থিতিক লৈও আলোচনা হ’ব পাৰে । ১২ বছৰ পাছত এয়ে প্রথম ভাৰতৰ কোনো প্রধানমন্ত্রী ৰোমত গৈছে ।
এই পৰ্যন্ত বিশ্ব স্বাস্থ্য সংস্থা (হু)-ৰ অনুমোদনপত্র পোৱা নাই ভাৰত বায়’টেকৰ কৰ’না প্রতিষেধক ক’ভেক্সিনে । অৱশ্যে প্ৰধানমন্ত্ৰী মোদীয়ে ক’ভেক্সিনে গ্ৰহণ কৰিছে । ফলত ইউৰোপৰ বাবে ভাৰতৰ প্রধানমন্ত্রী ‘টিকা নোলোৱা’ ব্যক্তি । যোৱা মাহত আমেৰিকাতো গৈছিল প্ৰধানমন্ত্ৰী মোদী ।
উল্লেখ্য, যোৱা ছয়-সাত আক্টোবৰত ৰোমত এটা আন্তর্জাতিক শান্তি সন্মিলনত যোগ দিয়াৰ কথা আছিল মুখ্যমন্ত্রী মমতা বন্দ্যোপধ্যায়ৰ । কিন্তু কেন্দ্রীয় চৰকাৰে তেওঁক ইটালী ভ্ৰমণৰ অনুমতি নিদিয়ে । এই বিষয়ত ক্ষোভ প্রকাশ কৰি মমতাই কয়, ‘‘মোক হিংসা কৰে বাবেই বাধা দিয়া হ’ল ।’’
