এবছৰীয়া শিশুৰ মাহে উপাৰ্জন ৭৫ হেজাৰ টকা,চেলিব্ৰিটিৰ দৰে কৰে জীৱন-যাপন

এবছৰৰ বয়সীয়া এটি শিশুৱে যদি মাহে ৭৫ হেজাৰ টকা উপাৰ্জন কৰে বুলি আপোনাক কোনোবাই কয়, আপুনি নিশ্চয় বিশ্বাস নকৰিব।

হয়, এবছৰ বয়সতে এটি কেঁচুৱাই কেনেকৈ ধন উপার্জন কৰিব পাৰিব? কিন্তু অবিশ্বাস্য যেন লাগিলেও সত্য, এই বিশ্বতে আছে মাহে ৭৫ হেজাৰ টকা উপাৰ্জন কৰা এটি এবছৰীয়া শিশু।

হয়, আমেৰিকাৰ নিবাসী ব্ৰিগছ নামৰ এটি এবছৰীয়া শিশুৱে বিগত কে’বামাহ ধৰি মাহে ৭৫ হেজাৰৰো অধিক টকা উপাৰ্জন কৰি আহিছে। এই শিশুটিয়ে দেশ-বিদেশ ভ্ৰমণৰ জৰিয়তে ধন উপাৰ্জন কৰিছে।

সামাজিক মাধ্যমত এই শিশুটো বৰ জনপ্ৰিয়। সম্প্রতি সামাজিক মাধ্যমত ব্ৰিগছ এজন চেলিব্রিটিত পৰিণত হৈছে। ইনষ্টাগ্ৰামত বর্তমানে ব্ৰিগছৰ ৩১ হেজাৰৰো অধিক অনুগামী আছে।

এই শিশুটিয়ে বর্তমানলৈকে আলাস্কা, কেলিফর্ণিয়া,ফ্ল’ৰিডা, সহ ১৬খন মার্কিন প্রদেশ মাতৃৰ স’তে ভ্ৰমণ কৰিছে। এবছৰ বয়সতে ব্ৰিগছে ৪৫ বাৰ ৰিমানৰে যাত্ৰা কৰিছে।

ব্ৰিগছৰ মাতৃ জেচে প্ৰকাশ কৰা মতে, যোৱা বছৰৰ ১৪ অক্টোবৰত ব্ৰিগছৰ জন্ম হৈছিল। জন্মৰ তিনি সপ্তাহৰ পাছতে ব্ৰিগছে প্রথমটো ভ্ৰমণ কৰিছিল মাতৃৰ স’তে আৰু তাৰ পাছৰে পৰা বিগত এবছৰে এখনৰ পাছত আনখন আমেৰিকাৰ প্ৰদেশ ভ্ৰমণ কৰি আহিছে।

জেচে কয় যে যেতিয়া তেওঁ ২০২০ত গৰ্ভধাৰণ কৰিছিল তেতিয়া তেওঁৰ শংকা অনুভব কৰিছিল, যে তেওঁৰ কৰ্মজীৱনৰ অৱসান ঘটিৰ। কিন্তু ব্ৰিগছৰ জন্মৰ পাছত তেওঁৰ মনত ‘বেবী ট্ৰেভেল’ৰ ধাৰণাটো আহিছিল আৰু লগে লগে ভ্রমণ আৰম্ভ কৰাৰ লগতে ব্ৰিগছৰ নামত ইনষ্টাগ্ৰামত এটা একাউন্ট খুলিছিল।

https://www.instagram.com/p/CVDc8EMlcUT/?utm_source=ig_embed&ig_rid=f4f5fd4b-a943-40ed-bdaa-43c8c5bef5f1

এই একাউণ্টত জেচে পুত্ৰ ব্ৰিগছৰ ভ্ৰমণৰ লগতে আন ঘটনাৰ ফটো, ভিডিঅ’ আপলোড কৰি আহিছে। প্রথমে একাউণ্টৰ অনুগামী সীমিত আছিল যদিও কম সময়ৰ ভিতৰতে ব্ৰিগছ ইনষ্টাগ্ৰামত জনপ্ৰিয় হৈ উঠে আৰু অনুগামীৰ সংখ্যা ৩১ হেজাৰলৈ বৃদ্ধি পায়।

https://www.instagram.com/p/CUQJE3MJ9Lj/?utm_source=ig_embed&ig_rid=8749f96f-63f9-4b34-8234-7abc14001dd4

ব্ৰিগছৰ হৈ এই একাউণ্ট মাতৃ জেচে পৰিচালনা কৰে। ইনষ্টাগ্ৰামত ভ্ৰমণৰ ফটো আৰু বিৱৰণ আপলোড কৰি ব্ৰিগছৰ হৈ তেওঁৰ মাতৃয়ে বর্তমানে মাহে ৭৫ হেজাৰ টকাৰো অধিক উপাৰ্জন কৰিবলৈ সক্ষম হৈছে। ব্ৰিগছে ভ্ৰমণ কৰিবলৈ বৰ ভাল পায় বুলিও মাতৃয়ে জানিবলৈ দি কয় যে তেওঁ যেতিয়াই যলৈকে যায়, লগত সদায় ব্রিগছক – নিবলৈ পাহৰি নাযায়।

https://www.instagram.com/reel/CSmWpHnn3dY/?utm_source=ig_embed&ig_rid=2055a299-c774-420f-a0bf-d8e73ddc1d96