ষ্টেট বেংক অৱ ইণ্ডিয়াৰ প্রাক্তন প্ৰধান প্রতীপ চৌধুৰীক ঋণ কেলেংকাৰীৰ অভিযোগেত আজি তেওঁৰ দিল্লীৰ বাসভৱনৰ পৰা গ্রেপ্তাৰ কৰিছে আৰক্ষীয়ে । তেওঁক ১৪ দিনৰ বাবে কাৰাবাস দিয়া হৈছে ।
এটা বেচৰকাৰী সংস্থা জয়ছলমেঢ়ত হোটেল তৈয়াৰ কৰিবৰ বাবে ২০০৮ ত এছবিআই-ৰ পৰা ২৪ কোটি টাকা ঋণ লৈছিল । প্রতীপৰ বিৰুদ্ধে অভিযোগ, ঋণ পৰিশোধ কৰিব নোৱাৰাত সেই সংস্থাৰ বাজেয়াপ্ত ২০০ কোটি টকাৰ সম্পত্তি তেওঁ ২৫ কোটি টকাত বিক্রী কৰাৰ সিদ্ধান্ত লৈছিল ।
প্রতীপ চৌধুৰীৰ গ্রেপ্তাৰৰ পাছত ষ্টেট বেংক অৱ ইণ্ডিয়াই জনাইছে, জয়ছলমেঢ়ত হোটেল তৈয়াৰ কৰিবৰ বাবে ২০০৭ত সংস্থাটোক ঋণ দিছিল তেওঁলোকে । কিন্তু তিনি বছৰ ধৰি হোটেলটো তৈয়াৰ কৰা নাই সংস্থাটোৱে । ২০১০ত সংস্থাৰ মালিকৰ মৃত্যু হয় । পাছত ২০১০ৰ জুনত সেই ঋণ এনপিএ-ত পৰিণত হৈছিল । বেংকৰ তৰফৰ পৰা বহু চেষ্টা কৰিও প্রকল্পটো শেষ কৰা সম্ভৱ নহয় বুলি জনাইছে ষ্টেট বেংক অৱ ইণ্ডিয়াই । পাছত ২০১৪ত এলকেমিষ্ট এছেট ৰিকনষ্ট্ৰাকছন কোম্পানিক (এআৰচি) সেই সম্পত্তি বিক্রীৰ সিদ্ধান্ত লৈছিল । এই সম্পত্তি বিক্রীৰ এবছৰ আগতে, ২০১৩ত ষ্টেট বেংকৰ পৰা অৱসৰ লৈছিল প্রতীপে । ২০১৪ত তেওঁ এআৰচি-ত যোগ দিয়ে । এক সংবাদপত্রৰ দাবী, ২০১৭ত বজাৰত সেই সম্পত্তিৰ মূল্য আছিল ১৬০ কোটি টকা । কম মূল্যত সম্পত্তি বিক্রীৰ অভিযোগ উত্থাপন কৰি বেচৰকাৰী সংস্থাটো আদালতৰ দ্বাৰস্থ হৈছিল ।
প্রতীপ চৌধুৰীৰ গ্রেপ্তাৰীক লৈ বিভিন্ন মহলত প্রশ্নও উত্থাপন হৈছে । ষ্টেট বেংক অৱ ইণ্ডিয়াৰ প্রাক্তন প্ৰধান ৰজনীশ কুমাৰে আজি এই গ্রেপ্তাৰীক ‘উদ্দেশ্যপ্রণোদিত পদক্ষেপ’ আখ্যা দিছে । তেওঁ কয়, ‘‘সম্পত্তি বিক্রী সন্দৰ্ভত ৰিজার্ভ বেংকৰ নির্দিষ্ট নিয়ম আছে । কেনেদৰে দুর্নীতিৰ প্রশ্ন উত্থাপন হৈছে ?’’
কোনো জাননী তথা চমন অবিহনে প্রতীপ চৌধুৰীক কেনেদৰে গ্রেপ্তাৰ কৰা হ’ল, তাক লৈও প্রশ্ন উত্থাপন কৰিছে ষ্টেট বেংক অৱ ইণ্ডিয়াৰ অৱসৰপ্রাপ্ত এগৰাকী শীর্ষস্থানীয় বিষয়াই । ষ্টেট বেংকৰ এগৰাকী প্রাক্তন কৰ্মচাৰীৰ দাবী, আইনী প্রক্রিয়া অনুসৰি গ্রেপ্তাৰ কৰা হোৱা নাই প্রতীপক । ষ্টেট বেংক অৱ ইণ্ডিয়াই জনাইছে, নিয়ম মানিয়ে সম্পত্তি বিক্রী কৰা হৈছে । অৱশ্যে বিষয়টো সন্দৰ্ভত তদন্তকাৰী সংস্থাক সকলো ধৰণৰ সহযোগিতা কৰাৰ আশ্বাস দিছে বেংকে ।
