ধুবুৰী জিলাৰ অন্তৰ্গত আগমণি আৰক্ষীয়ে সাতটা গৰুসহ পাঁচজনকৈ সৰবৰাহকাৰীক আটক কৰে । ৰাজ্যত অব্যাহত আছে চোৰাং গৰুৰ ৰমৰমিয়া বেহা । বংগৰ পৰা প্ৰতিদিনেই অব্যাহত আছে চোৰাং গৰুৰ সৰবৰাহ ।
মুখ্যমন্ত্ৰীৰ কঠোৰ নিৰ্দেশনাও কেৰেপ নকৰে চোৰাং বেপাৰীয়ে । আৰক্ষীৰ জালত চোৰাং গৰুসহ পাঁচজনকৈ চোৰাং গৰু সৰবৰাহকাৰী । বংগৰ পৰা ধুবুৰী অভিমুখে লৈ যোৱা অৱস্থাত আগমণি আৰক্ষীয়ে গোপন সূত্ৰৰ ভিত্তিত জব্দ কৰে গৰুসহ ধৃত মনোৱাৰ আলী, ছামছুল আলী, তচলিম আলী, আইজুল হক আৰু হাবিবুৰ ৰহমান নামৰ সৰবৰাহকাৰী কেইজনক ।
ধৃত চোৰাং সৰবৰাহকাৰী কেইজনৰ বিৰুদ্ধে দীৰ্ঘদিন ধৰি গৰু সৰবৰাহ কৰাৰ অভিযোগ উত্থাপন হৈ আহিছে । উল্লেখ্য যে আৰক্ষীয়ে ধৃত সৰবৰাহকাৰী কেইজনক জেল হাজোতলৈ প্ৰেৰণ কৰে ।