মাজত মাত্ৰ কিছুদিন । তাৰ পাছত সমগ্ৰ বিশ্বৰ আগত উন্মোচিত হ’ব ষ্টেচু অফ ইকুয়ালিটি’ৰ বেটুপাত । ২১৬ ফুটৰ এই মূৰ্তিটো হৈছে একাদশ শতিকাৰ সাধক আৰু দাৰ্শনিক ৰামানুজাচাৰ্য।
এইটো পৃথিৱীৰ দ্বিতীয় বৃহত্তম মূৰ্তি হ’বলৈ গৈ আছে। হায়দৰাবাদৰ কাষৰ চামছাবাদৰ ৪৫ একৰ ভূমিত স্থাপন কৰা এই মূৰ্তিটোৰ চাৰিওফালে যথেষ্ট কৌতূহল সৃষ্টি হৈছে। অহা পাঁচ ফেব্ৰুৱাৰীত প্ৰধানমন্ত্ৰী নৰেন্দ্ৰ মোদীয়ে এই প্ৰতিমূৰ্তিটো উন্মোচন কৰিব।
সেইদিনা ৰামানুজাচাৰ্যৰ ১০০৩ তম জন্ম জয়ন্তী। সেইকাৰণেই সেই দিনটো মুকলিৰ বাবে বাছনি কৰা হৈছে। এই প্ৰকল্পটো এক হেজাৰ কোটি টকাৰ প্ৰকল্প। আধ্যাত্মিক ধৰ্মগুৰু ত্ৰিদণ্ডি চিন্না জিয়াৰ স্বামীয়ে স্থাপন কৰা মন্দিৰত প্ৰতিমূৰ্তিটো স্থাপন কৰা হ’ব।
দুই ফেব্ৰুৱাৰীৰ পৰা আৰম্ভ হ’ব অনুষ্ঠান আৰু দুই সপ্তাহ ধৰি চলিব এই অনুষ্ঠান । যজ্ঞৰ জৰিয়তে বিশাল অনুষ্ঠানত মোদীৰ স’তে থাকিব ৰাষ্ট্ৰপতি ৰামনাথ কোবিন্দ । থাকিব তেলেংগানাৰ মুখ্যমন্ত্ৰী কে চন্দ্ৰশেখৰ ৰাও আৰু চিন্না জিয়াৰ স্বামী ।
তথ্য অনুসৰি,এই মূৰ্তিটো পঞ্চলোহাত । কি এই পঞ্চলোহা ? দৰাচলতে, ই পাঁচটা ধাতুৰ মিশ্ৰণ। সেইবোৰ হৈছে সোণ, ৰূপ, তাম, পিতল, জিংক। মূৰ্তিটোৰ চাৰিওফালে ১০৮ টা ক’লা শিলত খোদিত সৰু মন্দিৰো থাকিব। ভিতৰৰ কোঠাটোত আন এটা মূৰ্তি থাকিব। ই ১২০ কিলোগ্ৰাম সোণেৰে নিৰ্মিত।