বীৰভূমৰ ভুৱন বাদ্যকৰৰ ‘কাচা বাদাম’ গীতটিয়ে সম্প্ৰতি বিশ্বজুৰি খ্যাতি অৰ্জন কৰিছে । বাদাম বেচা গান ভাইৰেল হোৱাৰ পাছত ই আন্তর্জাতিক মঞ্চতো বিয়পি যায় । সেই গানত উঠ মিলাই নাচিছে অনলাইনৰ বিখ্যাত যুগল কিলি আৰু নিমাই । তানজানিয়াৰ এই যুগলে ইষ্টাটাগ্রামত বেংগলী কাচা বাদাম গানত নাচি যি ভিডিঅ’ বনায়, সেয়াও ভাইৰেল হৈ যায় । এইবাৰ সেই ভাতৃ-ভগ্নীৰ যুগলৰ নাম শোনা গ’ল প্রধানমন্ত্রী নৰেন্দ্র মোদীৰ মুখত । ইয়াৰ উপৰি, ভাৰতৰ শিশুসকলে যাতে এই ধৰণৰ ভিডিঅ’ বনায় তাৰ বাবে আবেদন কৰিছে প্ৰধানমন্ত্ৰীয়ে ।
দেওবাৰে প্ৰাধানমন্ত্ৰী মোদীৰ ‘মন কি বাত’ অনুষ্ঠানৰ ৮৬তম সম্প্রচাৰ । এই সম্প্ৰচাৰতে প্ৰধানমন্ত্ৰী মোদীয়ে ভাৰতীয় ভাষাৰ প্রচাৰ আৰু প্রসাৰ বৃদ্ধি কৰিবলৈ এই ধৰণৰ লিপ ছিংকিং ভিডিঅ’ বনাবলৈ সৰুসকলক উৎসাহিত কৰিবলৈ কয় । ভাৰতত এতিয়া টিক্টক্ এপ্ নিষিদ্ধ হ’লেও এসময়ত অতি জনপ্রিয় আছিল । সেয়ে এই ধৰণৰ ভিডিঅ’ক সাধাৰণভাৱে টিক্টক্ ভিডিঅ’ বুলি কোৱা হয় ।
Just like the sibling duo of Kili & Neema, I urge everyone, especially kids from different states to make lip-syncing videos of popular songs (from a state different than theirs). We'll redefine 'Ek Bharat Shreshtha Bharat' & popularise Indian languages: PM Modi in Mann Ki Baat pic.twitter.com/Bk6mabccnj
— ANI (@ANI) February 27, 2022
অৱশ্যে প্ৰধানমন্ত্ৰী মোদীয়ে বিনোদনৰ বাবে এনে ভিডিঅ’ বনোৱাত উৎসাহ দিয়া নাই । তেওঁ কয়, ‘‘কিলি আৰু নিমা ভাতৃ-ভগ্নীৰ দৰে সকলোৱে বিশেষকৈ বিভিন্ন ৰাজ্যৰ শিশুসকলে এনে ভিডিঅ’ বনাওক ।’’ প্ৰধানমন্ত্ৰী মোদীয়ে বিচাৰিছে, এখন ৰাজ্যৰ গান গাওক অন্য ৰাজ্যৰ ল’ৰা-ছোৱালীয়ে । ইয়াৰ ফলত ‘এক ভাৰত, শ্রেষ্ঠ ভাৰত’ গঠনৰ লক্ষ্যত দেশৰ বিভিন্ন ভাষা জনপ্রিয় হ’ব ।
