ৰাছিয়া বাহিনীয়ে ইউক্ৰেইনৰ কে’বাখনো চহৰত তেওঁলোকৰ বোমা বিস্ফোৰণ তীব্ৰতৰ কৰি তুলিছে। সংবাদ সংস্থাৰ সূত্ৰ অনুসৰি তেওঁলোকে ইতিমধ্যে দেশখনৰ দক্ষিণ বন্দৰৰ পূব দিশৰ কিছু অংশ দখল কৰিছে। তথ্য অনুসৰি তেওঁলোকে চহৰসমূহ দখল কৰাৰ বাবে ৰাজনৈতিক সমৰ্থন সংগ্ৰহ কৰিবলৈও প্ৰচাৰ চলাই আছে ।
ৰাছিয়াৰ এতিয়া মূল লক্ষ্য হৈছে ৰাজধানী কিভ দখল কৰা । শনিবাৰে, আমেৰিকাই ঘোষণা কৰিছে, তেওঁলোকে ইউক্ৰেইনক অতিৰিক্ত ২০ কোটি ডলাৰ (ভাৰতীয় মুদ্ৰাত ১,৫০০ কোটি টকাতকৈ অধিক) অস্ত্ৰ আৰু সঁজুলি প্ৰেৰণ কৰিব ।
বাতৰিটো প্ৰকাশ হোৱাৰ লগে লগে ক্ৰেমলিনে হোৱাইট হাউচক সতৰ্ক কৰি দিছিল যে তেওঁলোকে এইবাৰ ইউক্ৰেইনত অস্ত্ৰ-শস্ত্ৰ কঢ়িয়াই অনা কনভয়ক লক্ষ্য কৰি ল’ব ।
ইউক্ৰেইনৰ বৈদেশিক মন্ত্ৰী ডিমিট্ৰো কুলেবাই কয়, “ৰাছিয়াই মাৰিঅ’প’ল, খাৰকিভ আৰু চেৰ্নিহিভকে ধৰি কে’বাখনো চহৰত বোমা বিস্ফোৰণ কৰিছে । ৰাছিয়াই খাৰচন চহৰত জনসমৰ্থন পাবলৈ তাত গণভোট অনুষ্ঠিত কৰাৰ পৰিকল্পনা কৰিছে । খাৰচন হৈছে ৰাছিয়াৰ দ্বাৰা দখল কৰা ইউক্ৰেইনৰ প্ৰথম মুখ্য চহৰ।
খাৰছনৰ প্ৰশাসনৰ উচ্চ পদস্থ বিষয়াই এটা ফেচবুক প’ষ্টত লিখিছে, “ক্ৰেমলিন খাৰ্চনৰ জ্যেষ্ঠ বিষয়াসকলৰ স’তে সম্পৰ্কত আছে আৰু এই গণভোট আয়োজনত তেওঁলোকৰ সহায় বিচাৰিছে ।” তেওঁ লগতে লিখিছিল, “খৰেচানত গণপ্ৰজাতন্ত্ৰৰ সৃষ্টিয়ে অঞ্চলটোৰ জনসাধাৰণলৈ হতাশাৰ বাৰ্তা প্ৰেৰণ কৰিব ।”
শনিবাৰে এক ভিডিঅ’ বাৰ্তাত ইউক্ৰেইনৰ ৰাষ্ট্ৰপতি জেলেনস্কিয়ে আন্তঃৰাষ্ট্ৰীয় সম্প্ৰদায়ৰ পৰা অধিক সহায় বিচাৰিছিল । তেওঁ কয় যে শনিবাৰে মানৱ কৰিডৰৰ জৰিয়তে ১২,৭২৯ জন লোকক স্থানান্তৰ কৰা সম্ভৱ হৈছে ।