আলোচনা সফল নহ’লে আন এটা বিশ্বযুদ্ধ হ’ব, দাবী কৰিলে ইউক্রেইনৰ ৰাষ্ট্ৰপতি ভল’দিমিৰ জেলেনস্কিয়ে । লগতে তেওঁ উল্লেখ কৰে যে, আলোচনাৰ মাধ্যমৰেই যুদ্ধ ৰোধ কৰা সম্ভৱ হ’ব ।
এক আন্তর্জাতিক সংবাদমাধ্যমক দিয়া সাক্ষাৎকাৰত ভল’দিমিৰে সম্প্রতি ইউক্রেইনত ৰাছিয়াৰ অনুপ্রৱেশ ৰোধ কৰাৰ সম্পৰ্কত নিজৰ মতামত জনাইছে । ভল’দিমিৰে জনাইছে, তেওঁ আলোচনাৰ মাধ্যমতেই ইউক্রেইনত ৰাছিয়াৰ অনুপ্রৱেশ বন্ধ কৰিব বিচাৰে । লগতে তেওঁলোকৰ মত, সেই আলোচনা যদি ব্যর্থ হয় তেনেহ’লে তৃতীয় বিশ্বযুদ্ধ আৰম্ভ কৰিবলৈ বাধ্য ।
ইউক্ৰেইনৰ ৰাষ্ট্ৰপতি ভল’দিমিৰে কয়, যুদ্ধ শেষ কৰাৰ স্বার্থত প্রয়োজনত ৰুছ ৰাষ্ট্ৰপতি ভ্লাদিমিৰ পুতিনৰ স’তে মুখামুখি আলোচনা কৰাটো আপত্তি নাই তেওঁৰ । কিন্তু ইউক্রেইনৰ ৰাষ্ট্ৰপতিৰ এটা চর্ত আছে । ভল’দিমিৰে জনাইছে, ৰাছিয়াই যদি তেওঁলোকৰ মদতপুষ্ট ইউক্রেইনৰ দুই বিচ্ছিন্নতাবাদী অঞ্চলক ইউক্রেইনৰ চৰকাৰে স্বাধীন বুলি ঘোষণা কৰাটো বিচাৰে, তেন্তে সেই ইচ্ছা পূৰণ নহয় । ইউক্রেইনৰ ৰাষ্ট্ৰপতিয়ে জনাইছে, তেও এই সংক্রান্ত কোনো বুজাপৰাতেই আহিব নিবিচাৰে ।
এই সাক্ষাৎকাৰতেই নাটো গোষ্ঠীক এটা বার্তাও দিছে ইউক্রেইন ৰাষ্ট্ৰপতিয়ে । তেওঁ কয়, ‘‘ইউক্রেইন যদি নাটো-ৰ সদস্য হ’ল হয় এই যুদ্ধ আৰম্ভই নহ’ল হয় । মোৰ অনুৰোধ নাটোৱে যদি আমাক সহায় কৰিব বিচাৰিছে, তেন্তে যেন অতি শীঘ্ৰে কৰে । কিয়নো, ইয়াত সদায় মানুহ মৰি আছে ।’’