১০ মাহত ১৩ বিলিয়ন ডলাৰৰ ঋণ গ্ৰহণ পাকিস্তানৰ

সম্প্ৰতি পাকিস্তানৰ প্ৰায় ৩৪ শতাংশ নাগৰিকে দৈনিক মাত্ৰ ৩.২ ডলাৰ অৰ্থাৎ প্ৰায় ২৪০ টকাৰ উপাৰ্জনত জীৱন যাপন কৰিছে । বৰ্তমানে পাকিস্তানে ভয়াৱহ বিত্তীয় সংকটৰ সন্মুখীন হৈছে ।

দেশৰ বিত্তীয় পৰিস্থিতি নিয়ন্ত্ৰণৰ বাবে পাকিস্তানে বৈদেশিক ঋণ গ্ৰহণ কৰিবলগীয়া হৈছে ।

পৰিসংখ্যা অনুসৰি বিগত ১০ মাহত পাকিস্তানে বিভিন্ন উৎসৰ পৰা ১৩,০৩৩ বিলিয়ন মাৰ্কিন ডলাৰৰ ঋণ গ্ৰহণ কৰিছিল । ২০২১ৰ জুলাইৰ পৰা ২০২২ এপ্ৰিললৈকে এই বৃহৎ পৰিমাণৰ বৈদেশিক ঋণ গ্ৰহণ কৰি সম্প্ৰতি পাকিস্তান ঋণগ্ৰস্ত হৈছে ।

আমেৰিকা, দক্ষিণ কোৰিয়া, ব্ৰিটেইন, জাৰ্মানী, ছৌদি আৰব আৰু চীনৰ পৰা পাকিস্তানে এই বৃহৎ পৰিমাণৰ ঋণ গ্ৰহণ কৰিছিল ।