কৰ’না মহামাৰীৰ লকডাউনৰ পাছত অভিনয় কৰিব পাই সুখী হৈছো : বিপুল ৰাভা

বাগসা জিলাৰ শালবাৰীৰ শিমলাত আজি হঠাৎ আহি উপস্থিত হয় অসমৰ জনপ্ৰিয় কৌতুক অভিনেতা বিপুল ৰাভা । তাৰ পাছতে সাংবাদিকেৰে হোৱা এক সাক্ষাৎকাৰত তেওঁ কয় যে কৰ’না মহামাৰীৰ লকডাউনৰ পাছত পুনৰ অভিনয় কৰিব পাই তেওঁ যথেষ্ট সুখী অনুভৱ কৰিছে ।

কৰ’না মহামাৰীৰ ভয়াৱহতাৰ কিছু শাম কটাৰ পাছতে তেওঁ এইবাৰ ব’হাগ মাহত ৪৫ টা বিহুৰ অনুষ্ঠানত কৌতুক অভিনয় কৰাৰ লগতে ছিৰিয়েলতো অভিনয় কৰি আছে ।

কৰ’না মহামাৰীৰ পাছতো আগৰ দৰেই ৰাইজৰ মাজত তেওঁৰ জনপ্ৰিয়তা কমি নোযোৱাৰ কথাও উল্লেখ কৰে । আনহাতে তেওঁ ২০২৩-২৪ বৰ্ষৰ ভ্ৰাম্যমাণ জগতৰ বীণাপাণি থিয়েটাৰত অভিনয় কৰিব ।

উল্লেখ্য যে, শেষত তেওঁ কৌতুক সুৰীয়া গীতৰ কলি এটিৰে অসমৰ ৰাইজৰ মংগল কামনা কৰি দুদিনীয়া জীৱনত সকলোকে সদায় হাঁহি-ধেমালি কৰি থাকিবলৈ কয় ।