আফগানিস্তানৰ কাৰাগাৰত এগৰাকীও মহিলা নাই! সাংবাদ মাধ্যমত হোৱা এক বিশেষ সাক্ষাৎকাৰত এই দাবী কৰিছে তালিবান চৰকাৰৰ বৈদেশিক মন্ত্ৰী আমিৰ খান মুত্তাকীয়ে । বিশ্বৰ ওচৰত এই দেশৰ নেতিবাচক ভাৱমূৰ্তি তুলি ধৰাৰ বাবে পশ্চিমীয়া প্ৰচাৰকক দোষাৰোপ কৰিছে আমিৰে ।
আমিৰ খান মুত্তকীয়ে কয়,”এয়া হৈছে কিছুমান পশ্চিমীয়া সংবাদ মাধ্যমৰ দ্বাৰা সৃষ্টি কৰা বিশ্ব প্ৰচাৰ আৰু ই আমাৰ শত্ৰুসকলৰ প্ৰচাৰ। অৱশ্যে, সঁচা কথাটো হ’ল যে যোৱা ন মাহৰ পৰা এনে কোনো ঘটনা সংঘটিত হোৱা নাই য’ত শ শ মহিলাৰ মৃত্যু হৈছে বা আত্মহত্যা কৰা বুলি খবৰ পোৱা গৈছে,।”
বিগত বছৰৰ আগষ্টত আমেৰিকাৰ সামৰিক বাহিনীৰ প্ৰত্যাহাৰৰ পাছত তালিবানে দেশখনৰ নিয়ন্ত্ৰণ লোৱাৰ পাছৰে পৰা আফগানিস্তানত মহিলাৰ অধিকাৰ আৰু মানৱ অধিকাৰৰ লগতে যুৱতীৰ শিক্ষাৰ বিষয়ে আন্তঃৰাষ্ট্ৰীয় ভাৱে আলোচনা কৰা হৈছে।
এই সপ্তাহৰ আৰম্ভণিতে, আফগানিস্তানত অধিকাৰৰ বাবে ৰাষ্ট্ৰসংঘৰ ৰাষ্ট্ৰদূত ৰিচাৰ্ড বেনেটে জনাই যে আফগানিস্তান আৰু তালিবান কৰ্তৃপক্ষই এক “গুৰুতৰ” মানৱ অধিকাৰ সংকটৰ সন্মুখীন হৈ, মহিলাৰ ওপৰত বৰ্ধিত নিষেধাজ্ঞা উঠাই ল’বলৈ কৰ্তৃপক্ষক আহ্বান জনাইছিল।
মাৰ্চ মাহত, তালিবানে ছোৱালীসকলক উচ্চ বিদ্যালয়ত পঢ়িবলৈ অনুমতি দিয়াৰ বিষয়ে তেওঁলোকৰ মন সলনি কৰে। বেনেটে তেতিয়া শিক্ষাৰ উপলব্ধতাৰ বিষয়ে উদ্বেগ প্ৰকাশ কৰে।
তালিবানে অৱশ্যে মানৱ অধিকাৰৰ উদ্বেগক খাৰিজ কৰি কয় যে কৰ্তৃপক্ষই ওপৰোক্ত বিষয়বোৰৰ প্ৰতি মনোযোগ দিছে আৰু ছোৱালীৰ বাবে মাধ্যমিক শিক্ষাৰ ওপৰত কাম কৰি আছে।
এক সাক্ষাৎকাৰত মুত্তাকীয়ে দাবী কৰে যে আফগান কাৰাগাৰত এগৰাকীও মহিলা বন্দী নাই।
মুত্তাকীয়ে কয় ,”আফগান কাৰাগাৰত আমাৰ এগৰাকীও মহিলা বন্দী নাই। যোৱা ন মাহত ৰাজনৈতিক বিৰোধিতা বা চৰকাৰৰ বিৰুদ্ধে মাত মাতিবলৈ এগৰাকীও মহিলাক আফগানিস্তানৰ কাৰাগাৰত বন্দী কৰা হোৱা নাই,” ।
পূৰ্বৱৰ্তী তালিবান শাসনকালত মুত্তাকি সংস্কৃতি আৰু শিক্ষা মন্ত্ৰী আছিল। তেওঁ জনাই যে শিক্ষা খণ্ডত যি ব্যাঘাত ঘটিছে তাৰ কাৰণ ক’ভিড-১৯ মহামাৰী।
