বোকা নৃত্য ছালৰ বাবে ভাল : জুবিন

বকোৰ ছমৰীয়াত ১২ জুনৰ নিশা আয়োজিত ৰংমন সাংস্কৃতিক সন্ধিয়াত অংশগ্ৰহণ কৰি যুৱ প্ৰজন্মৰ হাৰ্টথ্ৰৱ জুবিন গাৰ্গে চৰ্চিত বোকা নৃত্যক লৈ মন্তব্য কৰে । বোকা নৃত্য ছালৰ বাবে ভাল বুলি মন্তব্য কৰি শান্তিপূৰ্ণভাৱে সংগীতানুষ্ঠান উপভোগ কৰিবলৈ আহ্বান জনায় সমৰ্থকক ।

ইফালে, অসমীয়া চিনেমা চাবলৈ পুনৰ আহ্বান জনায় শিপ্লীগৰাকীয়ে । ৰংমনৰ মঞ্চত জুবিন আৰু শতাব্দী বৰাৰ কণ্ঠৰ ‘এবাৰ যদি কোৱা’ নামৰ গীত এটি আনুষ্ঠানিকভাৱে উদ্বোধন কৰা হয় ।

প্ৰতিকূল বতৰত সহস্ৰাধিক দৰ্শকৰ মাজত নিজেও বৰষুণ তিতি স্বভাৱ সুলভ গীত পৰিবেশন কৰে শিল্পীগৰাকীয়ে । অন্যফালে ৰংমনৰ মঞ্চত শেষৰ গানটোত প্ৰয়াত বলিউডৰ জনপ্ৰিয় শিল্পী কে কেক স্মৰণ কৰি আৱেগিক হৈ পৰে জুবিন । অনুষ্ঠানৰ মাজতে বকোত ফুটবল খেলিবলৈ আহিম বুলিও কয় শিল্পীগৰাকীয়ে ।