Eye Care :
সুস্থ চকুযুৰিৰ বাবে সকলোৱে সৰুৰে পৰাই সতর্কতা অৱলম্বন কৰা উচিত। যদিহে শৈশৱৰ পৰাই কিছুমান বিষয়ত গুৰুত্ব প্ৰদান কৰা হয় তেতিয়াহ’লে বহুলাংশে চকুযুৰি সুস্থ কৰি ৰাখিব পৰাৰ লগতে দৃষ্টিশক্তিও স্বাভাৱিক হ’ব। চকুযুৰি সুস্থ-সবল কৰিবলৈ হ’লে যিবোৰ বিষয়ত গুৰুত্ব প্ৰদান কৰিব লাগে সেইবোৰৰ ভিতৰত অন্যতম হ’ল—
* যদিহে কোনো কাৰণত শৈশৱতে চকুত আঘাত পায় তেতিয়াহ’লে শীঘ্ৰে চিকিৎসকৰ পৰামৰ্শ গ্রহণ কৰা উচিত। কাৰণ আঘাত পোৱাৰ লগে লগে চিকিৎসা নকৰিলে বয়স বৃদ্ধিৰ সমান্তৰালভাৱে বিপদ ঘনীভূত হ’ব৷ সৰুৱে চকুত আঘাত পোৱা বুলি পিতৃ-মাতৃৰ লগতে পৰিয়ালৰ আন লোকসকলে গুৰুত্ব প্ৰদান নকৰে । এনেদৰে অৱহেলা কৰাৰ ফলত পাছত সমস্যাই জটিল ৰূপ ধাৰণ কৰে। তেতিয়া চিকিৎসা কৰোতে পলম হৈ যায়। চিকিৎসা কৰিলেও সুফল আশা কৰিব নোৱাৰি।
*কেতিয়াবা চকু ‘ফৰেইন ব’ডি’ বা বাহিৰৰ বস্তু যেনে— খেৰকুটা, শিলৰ গুৰি, খৰিৰ কূটা আদি সোমালে
যদিহে সাৱধানতা অৱলম্বন কৰি ভালদৰে উলিয়াই নানিলে চকুযুৰিৰ আঘাত হ’ব পাৰে।
* শিশুটিয়ে যদিহে পঢ়া-শুনা কৰোতে অসুবিধা পাইছে, কিতাপখন চকুৰ নিচেই ওচৰলৈ নি পঢ়িলে, টিভি আদি ওচৰৰ পৰা চালে বিষয়টোত পিতৃ-মাতৃয়ে গুৰুত্ব প্ৰদান কৰা উচিত । চিকিৎসকৰ পৰামৰ্শ গ্ৰহণ কৰিবলৈ চকুৰোগ বিশেষজ্ঞৰ ওচৰলৈ নি চিকিৎসা কৰক।
*কিবা বস্তু চকুত সোমালে হাতেৰে মোহাৰি উলিয়াব নালাগে। বৰং পৰিষ্কাৰ কপাহী কাপোৰেৰে উলিয়াব লাগে।
* দৃষ্টিহীনতাত ভুগিলে যিকোনো ৰোগে গা কৰি উঠিব পাৰে । পুষ্টিহীনতাৰ ফলত চকুৰ সমস্যায়ো গা কৰি উঠে বিশেষকৈ কেৰাটাইটিছ, কেৰাটোমেলেছিয়া হ’ব পাৰে।
* আপোনাৰ শিশুটিক বিদ্যালয়লৈ পঠিওৱাৰ আগতে ভালদৰে চিকিৎসকৰ দ্বাৰা পৰীক্ষা কৰোৱা উচিত। কাৰণ কেতিয়াবা শিশুৰ দৃষ্টিহীনতাই গা কৰি উঠিলেও জানিব নোৱাৰি। কাৰণ শিশুটিয়ে নেদেখিলেও ভালদৰে ক’ব নোৱাৰে।
* ডায়েবেটিছত আক্রান্তসকলে নিয়মীয়াকৈ বিশেষজ্ঞৰ দ্বাৰা চকু পৰীক্ষা কৰোৱাব লাগে।
*খাদ্য তালিকাত শাক-পাচলি অন্তর্ভুক্ত কৰা উচিত। বিশেষকৈ ভিটামিন ‘এ’ যুক্ত আহাৰৰ তালিকাত অন্তর্ভুক্ত কৰিব খাদ্য দৈনন্দিন লাগে।