Women Attack In Nagaon :
নগাঁৱত চাঞ্চল্যকৰ ঘটনা ৷ভাড়াতীয়াৰ দাৰ ঘাপত গুৰুত্বৰভাৱে আহত ঘৰৰ গৰাকী ৷ এই লোমহৰ্ষক ঘটনা সংঘটিত হয় চহৰ খনৰ সমীপৱৰ্তী খুটিকটীয়া অঞ্চলত ৷ গুৰুত্বৰভাৱে আহত অৱস্থাত স্থানীয় প্ৰতিবেশীয়ে উদ্ধাৰ কৰে মহিলা গৰাকীক ৷
প্ৰাপ্ত বাতৰি অনুসৰি খুটিকটীয়াৰ শেৱালি কলিতা নামৰ বয়োজেষ্ঠা মহিলা গৰাকীক তেওঁৰ ঘৰত ভাড়াতীয়া হিচাপে থকা তিলক ডেকাই তেওঁক চোকা অস্ত্ৰৰে আক্ৰমণ কৰা বুলি হয়বৰগাঁও আৰক্ষী চকীত গোচৰ তৰিছে ৷
উল্লেখ্য যে কিছদিন পূৰ্বে কোনো নথকাৰ সূযোগ লৈ মহিলা গৰাকীৰ ঘৰৰ পৰা চুৰি কৰিছিল এখন চাইকেল ৷ এই সন্দৰ্ভত মহিলা গৰাকীয়ে থানাত অভিযোগ দিয়াত ক্ষুদ্ধ হৈ পৰিছিল তেওঁৰ ভাড়াতীয়া নলবাৰী তিলক ডেকা ৷
যোৱা নিশা মহিলা গৰাকীৰ বাহিৰে ঘৰত কোনো নথকাৰ সূযোগ লৈ তিলক ডেকাই মহিলা গৰাকীক ঘৰৰ ভিতৰতে মুৰ আৰু হাতত দাৰে উপৰ্যুপৰি ঘপিয়াই বাহিৰৰ পৰা তলা মাৰি পলায়ন কৰে ৷
আনহাতে লংকাত থকা মহিলা গৰাকীৰ পুত্ৰই আন দিনৰ দৰে মাকলৈ ফোন কৰি কোনো সুদত্তৰ নোপোৱাত প্ৰতিবেশীক মাকৰ খবৰ ল’বলৈ ঘৰলৈ পঠিয়াই দিয়ে৷কিন্ত বাহিৰৰ পৰা তলামৰা দেখি খিড়িকীৰ ভিতৰলৈ চোৱাত তেজেৰে তুমৰলি হৈ মজিয়াত পৰি থকা প্ৰত্যক্ষ কৰি হুলস্থূল কৰে ৷
পাছত ঘটনাৰ খবৰ পাই হয়বৰগাঁও আৰক্ষী উপস্থিত হৈ মূমুৰ্ষ অৱস্থাত মহিলা গৰাকীক নগাঁও চিভিল হাস্পতাললৈ প্ৰেৰণ কৰা হয় যদিও সংকটজনক অৱস্থাত পুনৰ উন্নত চিকিৎসাৰ বাবে গুৱাহাটীলৈ প্ৰেৰণ কৰে চিকিৎসকে ৷
ঘটনা সন্দৰ্ভত ইতিমধ্যে আৰক্ষীয়ে গোচৰ ৰজু কৰি অভিযুক্ত তিলক ডেকাৰ সন্ধানত অভিযান আৰম্ভ কৰিছে ৷
এই ঘটনাই সমগ্ৰ নগাৱঁতে চাঞ্চল্যৰ সৃষ্টি কৰে ৷
