Appointment Letter Distribution Ceremony:
একলাখ নিযুক্তি প্ৰদান প্ৰক্ৰিয়াৰ অংশ হিচাপে আজি শ্ৰীমন্ত শঙ্কৰদেৱ কলাক্ষেত্ৰত অসম চৰকাৰৰ চাৰিটা বিভাগৰ অধীনত ৮২৮ যুৱক-যুৱতীৰ মাজত বিতৰণ কৰা হয় নিযুক্তি পত্ৰ ৷
কেশৱ মহন্তই কয়,মুখ্যমন্ত্ৰী ড° হিমন্ত বিশ্ব শৰ্মৰ সৱল নেতৃত্বত আজি নিযুক্তি প্ৰাপ্তসকলকে ধৰি এতিয়ালৈকে মুঠ ৪০,৫০২গৰাকীক নিযুক্তি প্ৰদান কৰা হৈছে ।
আজিৰ দিনটোৱে স্বৰ্ণিল দিন ৰূপে স্বাক্ষৰ বহন কৰি যাৱ ৷ আগন্তুক দিনত একলাখ নিযুক্তি লক্ষ্য পূৰণ কৰিবলৈ চৰকাৰ প্ৰতিশ্ৰুতিবদ্ধ বুলি উল্লেখ কৰে মন্ত্ৰী গৰাকীয়ে ৷
উল্লেখ্য যে আজি নিযুক্তিপ্ৰাপ্ত সকলৰ ভিতৰত স্বাস্থ্য বিভাগৰ ৫৪১ গৰাকী চিকিৎসক আৰু ৩৪ গৰাকী খাদ্য সুৰক্ষা বিষয়া, চিকিৎসা শিক্ষা আৰু গৱেষণা বিভাগত ২৩৬ গৰাকী চিকিৎসকৰ লগতে ভূমি সংৰক্ষণ বিভাগত ১৩ গৰাকী সহকাৰী ভূমি সংৰক্ষণ বিষয়া আৰু জল সম্পদ বিভাগত ৪ গৰাকী শাখা সহায়ক (তৃতীয় বৰ্গ) নিযুক্তি দিয়া হয়।
